1 Kronikɛls 25:6 - EBƆRƐ BE KAWƆL

⁶ Heman e daa juŋkpar mbe mbia kuduana na nɛ baa laŋ echakachaka nɛ ejaŋjilaŋ a bunyaŋ Enyɛnpe Ebɔrɛ na ashi bɔrɛlambu na to. Ama ewura Deevid gbagba e daa ŋini Asaf nɛ Jedutum nɛ Heman bre kusɔ nɛ k daga fanɛ b wora.

1 Kronikɛls 25:6 ပူးပေါင်းရင်းမြစ်များ

2 Samuɛl 6:5

Deevid nɛ Israɛlebi na kikɛ daŋ ta bumo be eleŋ kikɛ nna a boŋ nshɛ a cha a maŋkura Enyɛnpe Ebɔrɛ na. B daa laŋ ejaŋjilaŋ nɛ egoji nɛ ŋkure nɛ echakachaka nɛ ayawa nna.

1 Bewura 10:12

Ewura Sɔlɔmɔn daŋ ta ndibi na nna n lɔŋɛ bɔrɛlambu na nɛ ewura be laŋ be asɔ nɛ baa bɔla so a dii a luri amo to na, nseŋ ta amo be ako n lɔŋɛ ejaŋjilaŋ nɛ ejirgo n sa beshɛbompoana. Amo e daa la junipa be ndibi lela nɛ b daŋ shi efuli so m bar Israɛl be efuli so. B maŋ naŋ bar loŋ be ndibi Israɛl be efuli so kikɛ hale kabre.

1 Kronikɛls 15:16

Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 15:22

Ŋkpal Chɛnanaya ka daa kɔ nshɛ be keboŋ be kakɛ so, mo nɛ b daŋ lara fanɛ e baa la Livaiebi na be beshɛbompo be ejuŋkparpo.

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 29:25

Ewura na daŋ bɛ keŋini nɛ Enyɛnpe Ebɔrɛ daŋ bɔla anebi Gad nɛ nɛ anebi Neetan so ŋ kaŋɛ ewura Deevid na so nna n shin nɛ Livaiebi na ta ejaŋjilaŋ nɛ echakachaka a wɔ bɔrɛlambu na to.

Nehemaya 11:17

Mika pibinyɛn Mataniya malɛ gba daŋ ti Livaiebi na so. Mo nananyɛnana e daa la Zaabdi nɛ Asaf. Mataniya e daa juŋkpar bɔrɛlambu na to be beshɛbompo be katuŋ nɛ baa bunyaŋ Ebɔrɛ na. Esa nɛ e daa sɔ Mataniya so e la Bakbukia. Shamua malɛ pibinyɛn Abda nɛ e la Galal mo nanabiana gba daa la Livaiebi nɛ b chena Jerusalɛm to na be eko nna. Le be Galal ere shi Jedutum be kanaŋ to nna.

Nehemaya 12:24

Hashabia nɛ Sherebia nɛ Kadmɛl pibinyɛn Joshuwa nɛ Binui nɛ basa nɛ baa sɔ bumo so a boŋ nshɛ na e daŋ juŋkpar Livaiebi na be ntuŋ anyɔ m boŋ kapandi be nshɛ m maŋkura Ebɔrɛ fanɛ kananɛ Ebɔrɛ be kayɛrbi ewura Deevid daŋ yili kumo na.

Nehemaya 12:46

Dra na kikɛ ashi ewura Deevid nɛ Asaf be jemanɛ to, beshɛbompo na e naa juŋkparpo basa na a boŋ nshɛ a di Ebɔrɛ epaŋ.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.

Ɛfesesebi 5:19

Men baa ta Ebɔrɛ be kawɔl to be nshɛ nɛ Ebɔrɛ be basa be kedi epaŋ be nshɛ nɛ abɔrɛsheŋ be nshɛ a boŋ a kute asheŋ a sa abar nsaa ta men be ŋgbene kikɛ a boŋ nshɛ a di Ebɔrɛ Enyɛnpe na epaŋ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.