Ewura Sɔlɔmɔn daŋ ta ndibi na nna n lɔŋɛ bɔrɛlambu na nɛ ewura be laŋ be asɔ nɛ baa bɔla so a dii a luri amo to na, nseŋ ta amo be ako n lɔŋɛ ejaŋjilaŋ nɛ ejirgo n sa beshɛbompoana. Amo e daa la junipa be ndibi lela nɛ b daŋ shi efuli so m bar Israɛl be efuli so. B maŋ naŋ bar loŋ be ndibi Israɛl be efuli so kikɛ hale kabre.
1 Kronikɛls 25:1 - EBƆRƐ BE KAWƆL1 Ewura Deevid nɛ Livaiebi be bejuŋkparpoana daŋ lara Asaf nɛ Heman nɛ Jedutum nna fanɛ b baa la bɔrɛlambu to be beshɛbompo. Bumo e naŋ baa laŋ ejaŋjilaŋ nɛ echakachaka nɛ egoji a maŋkura Ebɔrɛ nsaa juŋkpar basa a bunyaŋ Ebɔrɛ. Basa nɛ b lara fanɛ b baa juŋkpar basa a bunyaŋ Ebɔrɛ na be atre nde. အခန်းကိုကြည့်ပါ။ |
1 Kronikɛls 25:1
46 ပူးပေါင်းရင်းမြစ်များ
B daŋ barga benyɛn alfa anyɔ nɛ aduburwa nɛ aburwa na to ntuŋ adunyɔ nɛ ana nna nɛ katuŋ kama to la basa kuduanyɔ nsaa kɔ kumo be ejuŋkparpo. Katuŋ kama be ejuŋkparpo be ketre nɛ b daŋ ta n nase kumo, nɛ baa shuŋ bumo be ashuŋ kebɛso kebɛso le. Josɛf be katuŋ e juŋkpar nseŋ ta Gɛdaliya nɛ Zakuur nɛ Zeeri nɛ Netaniya nɛ Buukiya nɛ Asarila nɛ Jeshaya nɛ Mataniya nɛ Shimei nɛ Uziɛl nɛ Hashabia nɛ Shebuwɛl nɛ Matatiya nɛ Jerimɔf nɛ Hananiya nɛ Joshbekasha nɛ Hanani nɛ Malooti nɛ Eliata nɛ Hotiir nɛ Gidalti nɛ Mahaziɔf nɛ Romamti Eza be ntuŋana m bɛso.
Ahaziya pibinyɛn Jɔash ka ŋana bɔrɛlambu na to nfɛ ashe na, nɛ bɔrɛmatapo Jehowada wu fanɛ k daga e ka wora kusɔ ko. Ndoŋ nna nɛ e ya fin benapo be benimu nɛ baaŋ yili mo kaman. Bumo e daa la Joram pibinyɛn Azariya nɛ Jehohanan pibinyɛn Ishmaɛl nɛ Obɛd pibinyɛn Azariya nɛ Adaya pibinyɛn Maaseia nɛ Zikri pibinyɛn Elishafat.
E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”
Livaiebi nɛ b la beshɛbompo nsaa shi Asaf be kabuna na bre daa wɔ kaboŋ nɛ ewura Deevid nɛ Asaf nɛ Heman nɛ Jedutum nɛ e la ewura Deevid be anebi na daŋ yili fanɛ b baa wɔ na nna. Bekumpo nɛ baa keni bɔrɛlambu na be mbuna so na gba daa maŋ yige bumo be ashuŋ, ŋkpal bumo braana Livaiebi na ka shuŋ kebansonchoŋ be kejigboŋ na be kushuŋ n sa bumo so.
Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.
Mika pibinyɛn Mataniya malɛ gba daŋ ti Livaiebi na so. Mo nananyɛnana e daa la Zaabdi nɛ Asaf. Mataniya e daa juŋkpar bɔrɛlambu na to be beshɛbompo be katuŋ nɛ baa bunyaŋ Ebɔrɛ na. Esa nɛ e daa sɔ Mataniya so e la Bakbukia. Shamua malɛ pibinyɛn Abda nɛ e la Galal mo nanabiana gba daa la Livaiebi nɛ b chena Jerusalɛm to na be eko nna. Le be Galal ere shi Jedutum be kanaŋ to nna.
Ndoŋ nna nɛ kanyɛn na naŋ keta ma n luri epunto be kelɔnɛ na to nɛ n ya wu ebu anyɔ ko nɛ amo be mbuna daa bugi a yɔ epunto be kelɔnɛ na so. Kuko daa wɔ kabunagboŋ nɛ k wɔ kelargato be esoso be kaba so na ase nseŋ kilgi n shoŋi kelargato be kaseto be kaba so nna, nɛ kenyɔsopo malɛ wɔ kabunagboŋ nɛ k wɔ kelargato be kaseto be kaba so na ase nseŋ kilgi n shoŋi kelargato be esoso be kaba so.
ကြော်ငြာတွေ