1 Kronikɛls 24:6 - EBƆRƐ BE KAWƆL

⁶ B ka daŋ barga ashuŋ na to n sa ntuŋana na, Natanɛl nɛ e la Livai be esa na pibinyɛn Shemaya e daŋ sibɛ kanaŋ na be ejuŋkparpo nɛ e bee keni katuŋ na so be ketre n nase. Ewura Deevid nɛ mbe benimuana nɛ bɔrɛmatapo Zadɔk nɛ Abiata pibinyɛn Ahimɛlɛk nɛ kabɔrɛmata be nnaŋ na be benimuana nɛ Livai be nnaŋ na kikɛ daa wɔ ndoŋ nna.

1 Kronikɛls 24:6 ပူးပေါင်းရင်းမြစ်များ

1 Bewura 4:3

Shisha be mbinyɛnsobi Elihorɛf nɛ Abija e daa la demujikpa be nwɔlsibɛpoana, Ahilud pibinyɛn Jehoshafat malɛ e daa la esa nɛ e bee sibɛ asheŋ a nase kawɔl to a sa abane;

1 Kronikɛls 18:16

Ahitub pibinyɛn Zadɔk nɛ Abiata pibinyɛn Ahimɛlɛk e daa la bɔrɛmatapoana. Sɛraya malɛ e daa la ewura be esibɛpo.

1 Kronikɛls 23:24

Livai be kabuna nɛ mbe kaman to ebi nɛ b daŋ karga nna na. B daŋ shin nna nɛ bumo be bumo nɛ b fo nfɛ adunyɔ ŋko m baŋ so na bre daa shuŋ Enyɛnpe Ebɔrɛ be bɔrɛlambu na to.

1 Kronikɛls 24:31

Kabuna kikɛ be enimu nɛ mo sipo daŋ to beri nna m bishi Ebɔrɛ be nfɛra a laŋɛ kushuŋ nɛ baaŋ baa shuŋ be kaplɛa so, fanɛ kananɛ bumo kurgepoana, bɔrɛmatapoana nɛ b shi Ɛɛrɔn be kanaŋ to daŋ wora na. Ewura Deevid nɛ Zadɔk nɛ Ahimɛlɛk nɛ bɔrɛmatapoana nɛ b shi Livai be kanaŋ to na be anishito nɛ b daŋ wora loŋ.

1 Kronikɛls 24:7

Kananɛ b daŋ barga Bɔrɛmatapoana be ntuŋ adunyɔ nɛ ana na to nɛ b baa shuŋ kebɛso kebɛso nde. Jehowarib naaŋ juŋkpar n shuŋ nseŋ ta Jedaya m bɛso, n ta Harim n ta Seorim n ta Malkija n ta Mijamin n ta Hakkɔz n ta Abija n ta Joshuwa n ta Shekanaya n ta Eliashib n ta Jakim n ta Huupa n ta Jeshibiab n ta Bilga n ta Imma n ta Heziir n ta Hapizɛz n ta Petahiya n ta Jehezkɛl n ta Jakin n ta Gamul nɛ Delaya n ta Mazia.

2 Kronikɛls 34:13

e daa keni basa nɛ baa sulɔ ajembu nɛ ndibi nɛ b kɔ a pɔr na nɛ bumo nɛ baa shuŋ ashuŋ be yiri yiri na so, nɛ beko malɛ la besibɛpo nɛ beko malɛ bee keni mbunaana na so.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Nehemaya 8:1

Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 8:19

Ndoŋ nna nɛ mbraŋinipo ko ba mo kutɔ m ba kaŋɛ mo: “Eŋinipo, kaplɛkama nɛ fee yɔ, meeŋ bɛ fo so n yɔ.”

Maak 2:26

E daŋ yɔ Ebɔrɛ be lambu to nna n ya ta bodobodo nɛ b daŋ ta n lara sarga n sa Ebɔrɛ na nna n we, ŋkeshin anyi be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na. Ama Deevid we kumo hale n sa basa na gba, saŋɛ nɛ Abiata daa la bɔrɛmatapo nimuso na.”