1 Kronikɛls 24:3 - EBƆRƐ BE KAWƆL

³ Ewura Deevid daŋ barga Ɛɛrɔn be kaman to ebi na to ntuŋso ntuŋso nna a laŋɛ bumo be kushuŋ be kaplɛa so. Eliaza mo nanabi Zadɔk nɛ Itama mo nanabi Ahimɛlɛk e daŋ chɛ Deevid to m barga bumo to.

1 Kronikɛls 24:3 ပူးပေါင်းရင်းမြစ်များ

2 Samuɛl 20:25

Shiiva malɛ e daa la bumo be demujikpa be esibɛpo, Zadɔk nɛ Abiata e daa la bɔrɛmatapoana.

2 Samuɛl 8:17

Ahitub pibinyɛn Zadɔk, nɛ Abiata pibinyɛn Ahimɛlɛk e daa la bɔrɛmatapo nimusoana, Sɛraya malɛ e daa la esibɛpo.

1 Bewura 2:35

Nɛ Ewura Sɔlɔmɔn ta Banaya n yili Jɔab be eyilikpa nɛ e ki mbe benapo be enimu, nseŋ ta bɔrɛmatapo Zadɔk malɛ n yili Abiata be eyilikpa nɛ e ki mbe bɔrɛmatapo.

1 Kronikɛls 15:11

Ewura Deevid daŋ shuŋi n tre Zadɔk nɛ Abiata nɛ b la bɔrɛmatapoana nɛ Livai be basa ashe nna. Bumo e la Yuriɛl nɛ Asaya nɛ Jowɛl nɛ Shemaya nɛ Eliɛl nɛ Aminadab.

1 Kronikɛls 16:39

Bɔrɛmatapowura Zadɔk nɛ mo braana bɔrɛmatapoana e daa keni Enyɛnpe Ebɔrɛ be wajɛbu na so ashi Gibiɔn.

1 Kronikɛls 18:16

Ahitub pibinyɛn Zadɔk nɛ Abiata pibinyɛn Ahimɛlɛk e daa la bɔrɛmatapoana. Sɛraya malɛ e daa la ewura be esibɛpo.

1 Kronikɛls 24:31

Kabuna kikɛ be enimu nɛ mo sipo daŋ to beri nna m bishi Ebɔrɛ be nfɛra a laŋɛ kushuŋ nɛ baaŋ baa shuŋ be kaplɛa so, fanɛ kananɛ bumo kurgepoana, bɔrɛmatapoana nɛ b shi Ɛɛrɔn be kanaŋ to daŋ wora na. Ewura Deevid nɛ Zadɔk nɛ Ahimɛlɛk nɛ bɔrɛmatapoana nɛ b shi Livai be kanaŋ to na be anishito nɛ b daŋ wora loŋ.

1 Kronikɛls 24:4

B daŋ barga Eliaza be kaman to ebi to ntuŋ kuduashe nna nseŋ barga Itama malɛ be kaman to ebi ntuŋ aburwa ŋkpal manɛ so Eliaza be kaman to ebi daa kɔ benyɛn be bejuŋkparpo damta nna.

1 Kronikɛls 24:6

B ka daŋ barga ashuŋ na to n sa ntuŋana na, Natanɛl nɛ e la Livai be esa na pibinyɛn Shemaya e daŋ sibɛ kanaŋ na be ejuŋkparpo nɛ e bee keni katuŋ na so be ketre n nase. Ewura Deevid nɛ mbe benimuana nɛ bɔrɛmatapo Zadɔk nɛ Abiata pibinyɛn Ahimɛlɛk nɛ kabɔrɛmata be nnaŋ na be benimuana nɛ Livai be nnaŋ na kikɛ daa wɔ ndoŋ nna.

2 Kronikɛls 8:14

Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.

1 Samuɛl 21:1

Nɛ Deevid yɔ bɔrɛmatapo Ahimɛlɛk kutɔ ashi kade nɛ baa tre Nɔb na. Nɛ Ahimɛlɛk chicha kufuso n lar m ba Deevid kutɔ m ba bishi mo le: “Manɛ nna nɛ fo nawule kpeŋ ba nfe?”