1 Kronikɛls 23:5 - EBƆRƐ BE KAWƆL

⁵ nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

1 Kronikɛls 23:5 ပူးပေါင်းရင်းမြစ်များ

1 Bewura 10:12

Ewura Sɔlɔmɔn daŋ ta ndibi na nna n lɔŋɛ bɔrɛlambu na nɛ ewura be laŋ be asɔ nɛ baa bɔla so a dii a luri amo to na, nseŋ ta amo be ako n lɔŋɛ ejaŋjilaŋ nɛ ejirgo n sa beshɛbompoana. Amo e daa la junipa be ndibi lela nɛ b daŋ shi efuli so m bar Israɛl be efuli so. B maŋ naŋ bar loŋ be ndibi Israɛl be efuli so kikɛ hale kabre.

2 Bewura 7:10

Ndoŋ nna nɛ b lar Siriyaebi be benapo na be keeyi to m bɛta n yɔ Samɛria be kade na to n ya ponte ŋ kaŋɛ kumo be mbunakumpoana na le: “An ka yɔ Siriyaebi be benapo na be keeyi to, anyi maŋ wu esa, anyi alɛ maŋ nu esa kama gba be asheŋ ndoŋ. Bumo be egbaŋɛ nɛ ekurma nawule a chɛ a mur ndoŋ ashi bumo be ewajɛbu ase.”

1 Kronikɛls 16:38

Jedutum pibinyɛn Obɛd Edɔm nɛ mbe kabuna be basa adeshe nɛ aburwa e daa chɛ bumo to. Hosa nɛ Obɛd Edɔm e daa keni mbuna na so.

1 Kronikɛls 16:4

Deevid daŋ lara Livaiebi na be beko nna fanɛ b baa shuŋ Enyɛnpe Israɛl be Ebɔrɛ na be kushuŋ nsaa boŋ nshɛ a maŋkura mo ashi ŋkre be deka na ase.

1 Kronikɛls 23:30

Bumo Livaiebi na e naaŋ baa chɔrɔ Enyɛnpe Ebɔrɛ nsaa boŋ nshɛ e di mo epaŋ kachipurso nɛ kaaseso kikɛ.

1 Kronikɛls 9:33

Livai be kanaŋ na to be bejuŋkparpo nɛ b la bɔrɛlambu na to be beshɛbompo na daa wɔ bɔrɛlambu na to nna. Bumo ere daa maŋ naa kɔ kushuŋ kikɛ a shuŋ ŋkpal manɛ so kapa nɛ kanyɛ kikɛ baa shuŋ bɔrɛlambu na to nna.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

2 Kronikɛls 34:13

e daa keni basa nɛ baa sulɔ ajembu nɛ ndibi nɛ b kɔ a pɔr na nɛ bumo nɛ baa shuŋ ashuŋ be yiri yiri na so, nɛ beko malɛ la besibɛpo nɛ beko malɛ bee keni mbunaana na so.

2 Kronikɛls 35:15

Livaiebi nɛ b la beshɛbompo nsaa shi Asaf be kabuna na bre daa wɔ kaboŋ nɛ ewura Deevid nɛ Asaf nɛ Heman nɛ Jedutum nɛ e la ewura Deevid be anebi na daŋ yili fanɛ b baa wɔ na nna. Bekumpo nɛ baa keni bɔrɛlambu na be mbuna so na gba daa maŋ yige bumo be ashuŋ, ŋkpal bumo braana Livaiebi na ka shuŋ kebansonchoŋ be kejigboŋ na be kushuŋ n sa bumo so.

2 Kronikɛls 8:14

Kananɛ mo tuto ewura Deevid nɛ e la Ebɔrɛ be esa na daŋ kaŋɛ mo na, nɛ mo alɛ gba bɛ so nseŋ nyiŋi m barga kushuŋ na to n sa bɔrɛmatapoana nɛ Livaiebi nɛ baa chɛ bɔrɛmatapoana to a boŋ nshɛ nseŋ naa chɛ bumo to a shuŋ karechɛ kikɛ na. E daŋ barga bɔrɛlambu na be mbuna be bekenipo na to ntuŋ ntuŋ so nna n yili nɛ baa shuŋ mbunagboŋ na be kekama ekpa karechɛ kikɛ.

Ɛzra 7:7

Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Nehemaya 7:73

Ndoŋ nna nɛ bɔrɛmatapoana na nɛ Livaiebi na nɛ bɔrɛlambu to be bekumpo na nɛ beshɛbompoana na nɛ basa na be beko nɛ bɔrɛlambu to be beshumpo na nɛ Israɛlebi na kikɛ chena bumo be ndeana to ashi Juda be efuli so kikɛ.

Nshɛ 87:7

nɛ bumo be bekama nɛ baaŋ baa boŋ nshɛ a cha na e baa kaŋɛ le: “Anyi alɛ gba la Jerusalɛm to be ndetobia gbagba nna.”

Aizaaya 64:10

Fo ndegboŋ cheembiana na be kekama ki fanɛ keshishɛrsawule nna. Jerusalɛm ki kelambure nna nɛ ekama maŋ naa wɔ kumo to.

Eemɔs 6:5

Kananɛ ewura Deevid ashi Jerusalɛm daa ta jaŋjilaŋ a laŋ a boŋ a wora nshɛ popɔr dra dra na, nɛ menyi alɛ gba bee sha kebaa wora.