1 Kronikɛls 23:4 - EBƆRƐ BE KAWƆL

⁴ E daŋ shin nna nɛ Livaiebi na be basa ŋgboŋ adunyɔ nɛ ana bee shuŋ bɔrɛlambu na to nɛ basa ŋgboŋ ashe malɛ la nwɔlsibɛpoana nɛ demujipoana,

1 Kronikɛls 23:4 ပူးပေါင်းရင်းမြစ်များ

1 Kronikɛls 6:48

Livaiebi nɛ b ka na bre, b daŋ lara bumo nna fanɛ b baa shuŋ wajɛbu cheembi na to.

2 Kronikɛls 19:8

Ewura Jehoshafat daŋ lara Livaiebi nɛ bɔrɛmatapoana nɛ nnaŋ be bejuŋkparpo malɛ nna ashi Jerusalɛm to fanɛ b baa ji basa nɛ baa kini kebaabɛ Enyɛnpe Ebɔrɛ be mbra be ekpa so na nɛ basa nɛ bumo nɛ bumo braana ndetobia kɔ asheŋ na demu.

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 34:13

e daa keni basa nɛ baa sulɔ ajembu nɛ ndibi nɛ b kɔ a pɔr na nɛ bumo nɛ baa shuŋ ashuŋ be yiri yiri na so, nɛ beko malɛ la besibɛpo nɛ beko malɛ bee keni mbunaana na so.

Nehemaya 11:22

Bani pibinyɛn mo nɛ baa tre Uzzi nɛ e la Hashabia mo nanabi na e daa keni bumo so ashi Jerusalɛm. Mo nananyɛnana e la Mataniya nɛ Mika nɛ b shi Asaf be kanaŋ to nsaa la bɔrɛlambu na to be beshɛbompo be enimu.

Nehemaya 11:9

Zikri pibinyɛn Jowɛl e daa la bumo be ejuŋkparpo nɛ Hassenua pibinyɛn Juda malɛ la bumo be krachigboŋ nyɔsopo mo nɛ e bee keni bumo be kadegboŋ na so.

Ezikɛl 44:24

Nɛ kesheŋ ko koso nɛ a daga fanɛ b ji kumo mbra be ekpa so, bɔrɛmatapoana na beeŋ keni ma mbraana so nna n ji kumo. Kananɛ ma mbraana nɛ atande bee ŋini na nɛ baaŋ baa yili so a ji bumo be kabɔrɛshuŋ be nchɛgboŋana, nseŋ shin nɛ Kewushiachɛ na e baa la kachɛ cheembi n sa bumo.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.