Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kronikɛls 23:30 - EBƆRƐ BE KAWƆL

30 Bumo Livaiebi na e naaŋ baa chɔrɔ Enyɛnpe Ebɔrɛ nsaa boŋ nshɛ e di mo epaŋ kachipurso nɛ kaaseso kikɛ.

အခန်းကိုကြည့်ပါ။ ကော်ပီ




1 Kronikɛls 23:30
19 ပူးပေါင်းရင်းမြစ်များ  

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.


Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.


nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.


B daa keni bɔrɛlambu na so kapa nɛ kanyɛ kikɛ nna nsaa bugi kumo be mbuna na kachipurso kikɛ.


Livai be kanaŋ na to be bejuŋkparpo nɛ b la bɔrɛlambu na to be beshɛbompo na daa wɔ bɔrɛlambu na to nna. Bumo ere daa maŋ naa kɔ kushuŋ kikɛ a shuŋ ŋkpal manɛ so kapa nɛ kanyɛ kikɛ baa shuŋ bɔrɛlambu na to nna.


Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.


Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ