1 Kronikɛls 23:26 - EBƆRƐ BE KAWƆL

²⁶ Amoso Livaiebi na maaŋ naa sulɔ Enyɛnpe Ebɔrɛ be wajɛbu na nɛ asɔ nɛ b kɔ ashuŋ kumo to na a nite.

1 Kronikɛls 23:26 ပူးပေါင်းရင်းမြစ်များ

1 Kronikɛls 23:27

Kusɔ nɛ Deevid yili e la fanɛ Livaiebi kama nɛ b fo nfɛ adunyɔ na daga fanɛ b sibɛ bumo be atre nɛ b fara a shuŋ.

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:49

Kananɛ Enyɛnpe Ebɔrɛ baŋ kaŋɛ Mosis na gbagba chap nɛ e daŋ shin nɛ b karga basa na nseŋ shin nɛ b sa ekama malɛ mbe kushuŋ.

Nɔmbɛs 4:5

Enyɛnpe Ebɔrɛ daŋ kaŋɛ Mosis nna fanɛ nɛ b kaa shin nɛ b kaa bumo be keeyi to, b shin nɛ Ɛɛrɔn nɛ mbe mbinyɛnsobi e luri n saŋɛ patisa nɛ k kuŋ ŋkre be deka nɛ k wɔ kakpa cheembi na nɛ wajɛbu to na nseŋ ta kumo m buu deka na so.

Nɔmbɛs 7:9

Ama Mosis daa maŋ sa Kohafebi na bre asɔ na be kekama, ŋkpal manɛ so, abatimu so e daga fanɛ bumo ere e baa sulɔ asɔ cheembi nɛ baa keni so na.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.