1 Kronikɛls 23:13 - EBƆRƐ BE KAWƆL

¹³ Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

1 Kronikɛls 23:13 ပူးပေါင်းရင်းမြစ်များ

1 Kronikɛls 23:12

Kohaf daa kɔ mbinyɛnsobi ana nna. Bumo e daa la Amram nɛ Izha nɛ Hibrɔn nɛ Uziɛl.

1 Kronikɛls 6:3

Amram malɛ daa kɔ mbinyɛnsobi anyɔ nna. Bumo e la: Ɛɛrɔn nɛ Mosis nɛ ebicheso nɛ baa tre mo Miriam. Ɛɛrɔn daa kɔ mbinyɛnsobi ana nna. Bumo e la Nadab nɛ Abihu nɛ Eliaza nɛ Itama.

1 Kronikɛls 6:34

nɛ Samuɛl malɛ mo tuto daa la Ɛlkana nɛ Ɛlkana mo tuto daa la Jeroham nɛ Jeroham mo tuto daa la Eliɛl nɛ Eliɛl mo tuto daa la Toa,

Nshɛ 106:16

Bumo be ekama ashi bumo be keeyi to daa besa Mosis nɛ Ɛɛrɔn, nɛ b la Ebɔrɛ be nyɛrbi nɛ e lara n sa mbe kumu na eyur nna.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 28:36

Men ta shuwa lela n lɔŋɛ kusɔ paŋgelambi nseŋ chaŋ le be nsibɛ n deŋ kumo so: ‘Cheembi n sa Enyɛnpe Ebɔrɛ na’

Ɛksodɔs 29:44

Ma alɛ beeŋ shin nɛ Enyɛnpe be wajɛbu na nɛ bɔrɛsure na e ki ma asɔ cheembi. Nseŋ naŋ shin nɛ Ɛɛrɔn nɛ mbe bibinyɛn na malɛ gba e ki basa laraso cheembi a shuŋ ma fanɛ bɔrɛmatapoana.

Ɛksodɔs 6:20

Nɛ Amram malɛ ta Jokabed nɛ e daa la mo tuto mo sipoche na ŋ ki mbe eche nɛ mo nɛ mo kurge Ɛɛrɔn nɛ Mosis. Amram daŋ ji nfɛ kalfa nɛ adesa nɛ ashunu nna pɔɛŋ nseŋ wu.

Levitikɔs 10:10

A daga men ka bee barga kusɔ nɛ k du cheembi nsaa la Enyɛnpe Ebɔrɛ na peya ashi kusɔ nɛ k la ekama peya to nseŋ naa barga kusɔ nɛ k du cheche Ebɔrɛ be ekpa so ashi kusɔ nɛ k maŋ du cheche to.

Nɔmbɛs 18:1

Le nɛ Enyɛnpe Ebɔrɛ kaŋɛ Ɛɛrɔn a laŋɛ bɔrɛmatapoana be kushuŋ be kaplɛa so: “Fo nɛ fo mbinyɛnsobi nɛ Livaiebi na kikɛ e naaŋ nya kulubi kama nɛ k wora Enyɛnpe be wajɛbu na be kushuŋ be kaplɛa so be kasogberge ama fo nɛ fo mbinyɛnsobi nawule e naaŋ nya kulubi kama nɛ k wora ashi bɔrɛmatapoana bre be kushuŋ be kaplɛa so bre be kasogberge.

Nɔmbɛs 26:59

Amram e daŋ ta Livai pibiche Jokabed nɛ b daŋ kurge Ijipt be efuli so na. Mo nɛ mo e kurge Ɛɛrɔn nɛ Mosis nɛ Miriam.

Nɔmbɛs 3:27

Amramebi nɛ Izaaebi nɛ Hibrɔnebi nɛ Uziɛlebi e la Kohaf be kabuna ebi na.

Luuk 1:9

Bɔrɛmatapoana be daŋkare so nɛ b daŋ bɛ so n to beri nɛ k lara mo fanɛ e luri Enyɛnpe be bɔrɛlambu na to n ya lara sarga. Duwu mo nɛ amo be efɛa bee wora Ebɔrɛ ebel nɛ e chɔɔ bɔrɛsure na so n lara sarga. Ndoŋ nna nɛ e luri bɔrɛlambu na to.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Ditɛronɔmi 21:5

Bɔrɛmatapoana nɛ b shi Livai be yiri to na gba beeŋ yɔ ndoŋ, ŋkpal manɛ so, bumo e naa ji asheŋ nɛ a bee bar kebagato nɛ nlusheŋ. Enyɛnpe menyi be Ebɔrɛ na malɛ e lara bumo fanɛ b baa shuŋ mo nsaa bɔla mbe ketre so a nɛfa basa nsaa ji mpetɛ nɛ kebile n doro abar be asheŋ.

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.