1 Kronikɛls 22:5 - EBƆRƐ BE KAWƆL

⁵ Le nɛ ewura Deevid daŋ kaŋɛ: “Bɔrɛlambu nɛ m pibinyɛn Sɔlɔmɔn beeŋ pɔr na beeŋ baa walɛ m baŋ so nɛ durnya kikɛ e nu kumo be asheŋ. Ama ŋkpal e ka kraa la kebia a maŋ naŋ pin asɔ damta to na so, a daga fanɛ n wora kumo be shiriya n yili mo.” Amoso ewura Deevid daŋ fin bɔrɛlambu na be kapɔr be asɔ damta nna n yili pɔɛŋ nseŋ wu.

1 Kronikɛls 22:5 ပူးပေါင်းရင်းမြစ်များ

1 Bewura 3:7

O Enyɛnpe Ebɔrɛ, fo shin nɛ n sɔ n tuto so n ji kuwura. Ama n du fanɛ kebibi nna nsaa maŋ nyi kananɛ kejuŋkpar basa be asheŋ du.

1 Bewura 9:8

Bɔrɛlambu ere beeŋ ki ajembu n deŋi abar so. Kumo be loŋ kaŋ wora malɛ, k beeŋ chinchiŋ basa kama nɛ baa bɔla kumo ase a choŋ na, nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to ere le?’

1 Kronikɛls 29:1

Kede be kaman nɛ ewura Deevid kaŋɛ basa na malɛ le: “M pibinyɛn Sɔlɔmɔn nɛ Ebɔrɛ lara fanɛ e pɔr bɔrɛlambu na ama mo alɛ kra la kebia nna, e maŋ naŋ pin asheŋ nɛnɛ. Bɔrɛlambu na malɛ be kushuŋ maŋ la alefasha, ŋkpal manɛ so k maŋ la edimɛdi peya, Enyɛnpe Ebɔrɛ be bɔrɛlambu nna.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 2:5

Mee sha kepɔr bɔrɛlambu nɛ k shibi ga nna, ŋkpal manɛ so, anyi be Ebɔrɛ na kɔ eleŋ a chɔ kegbir kikɛ.

2 Kronikɛls 2:8

N nyi fo basa nɛ baa ku ndibi na ka nyi bumo be kushuŋ nɛnɛ, amoso mee kule fo nna nɛ fo sa ma ndibi nɛ baa tre sida na nɛ ndibi nɛ baa tre seprɛs na nɛ ndibi nɛ baa tre junipa nɛ a wɔ Lebanɔn na be ndishaŋ. N wora shiriya nɛ n shuŋi ma basa nɛ b ba chɛ fo basa to

2 Kronikɛls 7:21

Kashenteŋ nna fanɛ bɔrɛlambu na walɛ, ama nɛ kumo be loŋ kaŋ ba wora, k beeŋ chinchiŋ basa kama nɛ baa bɔla kumo ase a choŋ nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to le?’

Ɛzra 3:12

Basa kpar nɛ b daa la bɔrɛmatapoana nɛ Livaiebi nɛ nnaŋ be benimuana na be galeŋga ka daa nyi kananɛ lambu dra na daa du so, b ka wu kepopɔr ere be gbaltɔlase na nɛ b shu awɔrso; ama beko bre daa wora awɔr kagbenefuliso nna.

Aŋasa 4:3

Ŋ kaa daa la kebibi nsaa la n tuto nɛ n nio be ebinyɛn koŋwule na,

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Aizaaya 64:11

Edɛ chɔɔ anyi be bɔrɛlambu nɛ k daa walɛ ga nsaa du cheembi nɛ an nanaana daa luri kumo to a bunyaŋ fo na m mur. Anyi be nwu lela nɛ an daa sha ga na kikɛ ki alambure m biti abar so a dese.

Ezikɛl 7:20

B daa puchi ŋkpal abitasɔ lela nɛ b kɔ so nna nseŋ ta amo ŋ wora agbirana nɛ amo be asheŋ bee nu agbo. Amoso meeŋ shin nɛ abitasɔ na e ki fuloŋ, nsaa maŋ naa kɔ tɔnɔ n sa bumo.

Heegai 2:3

“Menyi to be eko beeŋ tiŋ n nyiŋi kananɛ bɔrɛlambu na be kela daa du a? Nuso nɛ k naa du n sa menyi naniere? K maŋ naa la shɛŋ n sa menyi, ŋko?

Heegai 2:9

Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.

Luuk 21:5

Basa ko ka bee ji bɔrɛlambu na be asheŋ a malga yawu kpakpaso be ajembu nɛ basa ta m pɔr kumo na be asheŋ nɛ Yesu kaŋɛ bumo le:

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 3:30

A daga fanɛ Yesu na be ketre e baa dii nɛ ma ere peya e baa yɔ kaseto.”

Baru lela nɛ Jɔn kute na 9:4

Kefulto ka kraa wɔtɔ ere bre, a daga fanɛ an baa shuŋ esa nɛ e shuŋi ma na be ashuŋ. Kanyɛ bee biri a ba, kumo alɛ baŋ ba, esa maaŋ naŋ tiŋ n shuŋ shɛŋ.