1 Kronikɛls 22:4 - EBƆRƐ BE KAWƆL

⁴ E daŋ ŋ kla nna n shoŋi Tayɛ nɛ Sidɔn be basa nɛ b bar mo sida be ndibi damta.

1 Kronikɛls 22:4 ပူးပေါင်းရင်းမြစ်များ

2 Samuɛl 5:11

Kede be kaman nɛ Taye be ewura Hiram shuŋi mbɔ ewura Deevid kutɔ nseŋ sa mo ndibi nɛ baa tre sida na n ta ekapɛnta nɛ basa nɛ baa ta ajembu a pɔr n ti so fanɛ b ya pɔr ewura be laŋ n sa Deevid.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Nɔmbɛs 24:6

A du nna fanɛ abii be ndibi ka yili m bɛ abar so le siir, ŋko kudɔbi nɛ k mata lɔrkar. A du nna fanɛ asɔrso be ndibi nɛ Enyɛnpe Ebɔrɛ na gbagba du, ŋko ndibi nɛ baa tre sida na ka wɔ eboŋkar.