1 Kronikɛls 21:8 - EBƆRƐ BE KAWƆL

⁸ Ndoŋ nna nɛ ewura Deevid kaŋɛ Enyɛnpe Ebɔrɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso jande, ta m paŋ ma ŋkpal manɛ so n wora kawulisheŋ.”

1 Kronikɛls 21:8 ပူးပေါင်းရင်းမြစ်များ

Jɛnesis 34:7

Kumo be jemanɛ malɛ nɛ Jeekɔb be mbinyɛnbi na shi kupuŋ to m ba. B ka nu kusɔ nɛ k wora bumo sipoche Daina na nɛ kagbenejija bumo nɛ agbo pɛ bumo ŋkpal Shɛkɛm ka wora Jeekɔb pibiche anishinyɔr be kusɔ nɛ k maŋ daga ashi Israɛl be efuli so so.

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 13:13

Nuso gba nɛ meeŋ naŋ wora n luri basa to? Anishinyɔr e naŋ mɔ fo alɛ ashi Israɛl to. Ama wora ania n ya malga n sa ewura, ma ere wora yirda fanɛ e beeŋ shin nɛ an ta abar.”

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

1 Kronikɛls 21:7

Ŋkpal ewura Deevid ka shin nɛ b karga benapo na so Ebɔrɛ daŋ nya agbo nna nseŋ gberge Israɛlebi kusoe.

2 Kronikɛls 10:9

Le nɛ e daŋ bishi bumo: “Manɛ be kasotoji nɛ men kɔ n sa ma? Manɛ nɛ menyee sha ŋ ka kaŋɛ basa nɛ baa kaŋɛ ma fanɛ ŋ ku bumo be kushuŋ so n sa bumo ere?”

Nshɛ 25:11

O Enyɛnpe Ebɔrɛ, ta alubi damta nɛ n wora m paŋ ma, ŋkpal fo ketre so.

Nshɛ 32:5

Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Baru lela nɛ Jɔn kute na 1:29

Asheŋ ere ka wora ŋ klade nɛ Jɔn wu Yesu ka bee ba mo kutɔ nɛ e kaŋɛ basa le: “Men keni, Ebɔrɛ be Kpakpafɔlbi nɛ k bee lara durnyaebi be alubi ashi bumo to a lɛ na.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

1 Samuɛl 13:13

Ndoŋ nna nɛ Samuɛl kaŋɛ mo le: “Fo wora kawulisheŋ ga. Fo maŋ bɛ kenishipere be mmalga nɛ Enyɛnpe fo Ebɔrɛ na kaŋɛ fo na so. Fo daŋ bɛ amo so nna e daa beeŋ shin nɛ fo nɛ fo kaman to ebi e baa ji Israɛl be kuwura mbaanaayɔ.

1 Samuɛl 26:21

Nɛ Sɔɔl malɛ kaŋɛ le: “M pibinyɛn Deevid n wora kulubi, amoso bɛta a ba! M maaŋ naŋ tɔrɔ fo kikɛ ŋkpal fo ka shin nɛ n ji efute kanyɛ ere so. N wora kawulisheŋ ga! M maŋ wora nɛnɛ!”