1 Kronikɛls 21:30 - EBƆRƐ BE KAWƆL

³⁰ ama ewura Deevid bre daa maŋ tiŋ n yɔ ndoŋ n ya bunyaŋ Ebɔrɛ ŋkpal e ka daa ŋana Enyɛnpe Ebɔrɛ be malaika na be tokobi na so.

1 Kronikɛls 21:30 ပူးပေါင်းရင်းမြစ်များ

2 Samuɛl 6:9

Ndoŋ nna nɛ Deevid fara a ŋana Enyɛnpe Ebɔrɛ na nseŋ kaŋɛ le: “Nuso nɛ meeŋ wora n ta ŋkre be deka ere a yɔ?”

1 Kronikɛls 13:12

Nɛ Ebɔrɛ be asheŋ pɛ Deevid kufu ga nɛ e kaŋɛ le: “Nuso nɛ meeŋ wora n ta ŋkre be deka ere n yɔ naniere.”

1 Kronikɛls 21:16

Deevid ka wu malaika na ka wɔ esoso ŋ keta mbe tokobi nɛ e mur Jerusalɛm na, nɛ mo nɛ Israɛl be bejuŋkparpoana nɛ b buu kagbenejijaso be asɔbuuso na tɔr epun so n dese kasawule.

1 Kronikɛls 21:29

Enyɛnpe Ebɔrɛ be wajɛbu nɛ Mosis daŋ yuu ashi kiyi na to nɛ bɔrɛsure nɛ e pɔr nɛ b daa lara sarga chɔɔso kumo so na kikɛ daa wɔ kakpa nɛ baa bunyaŋ Enyɛnpe Ebɔrɛ loŋ be saŋɛ na ashi Gibiɔn na nna;

1 Kronikɛls 22:1

Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”

Job be kawɔl 13:21

Amo e la fanɛ yige kebaagberge ma kusoe nɛ kebaa funti ma nɛ m baa chicha.

Job be kawɔl 21:6

Nɛ ŋ gbagba baa fɛ kusɔ nɛ k tu ma ere be nfɛra, k bee ta kufu nna a pɛ ma nɛ m baa chicha.

Job be kawɔl 23:15

Amoso nɛ mbe asheŋ bee keta ma kufu ga na. M baŋ fɛ ade kikɛ be asheŋ, kufugboŋ bee pɛ ma nna nɛ m baa chicha.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Ditɛronɔmi 10:12

To, Israɛl be basa, men nu kusɔ nɛ Enyɛnpe menyi be Ebɔrɛ na bee fin menyi kutɔ. Kumo e la fanɛ men bunyaŋ mo nseŋ bɛ mbe mbra kikɛ so nseŋ ta menyi be ŋgbene kikɛ n sha mo nseŋ shuŋ mo,

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”