1 Kronikɛls 21:3 - EBƆRƐ BE KAWƆL

³ Nɛ Jɔab kaŋɛ ewura Deevid le: “Yiramu, hale nɛ Enyɛnpe fo Ebɔrɛ na shin nɛ Israɛl be benapo wora kishi n ti so fanɛ ntuŋ kalfa a chɔ kananɛ b du naniere gba bumo kikɛ kra la fo nyɛrbi nna. Manɛ e ba nɛ fee sha fanɛ fo wora le be kesheŋ nɛ k maŋ shi Ebɔrɛ kutɔ ere n shin nɛ nfɛra lubi ere e ba efuli ere so?”

1 Kronikɛls 21:3 ပူးပေါင်းရင်းမြစ်များ

Jɛnesis 20:9

Kumo be pɔɛŋ nɛ Abimelɛk tre Eebraham m bishi mo: “Manɛ be kushuŋ nɛ fo shuŋ anyi loŋ? Manɛ be kulubi nɛ n wora fo nɛ k shin nɛ fo bar le be kumu lubi m ba lɛ ma nɛ ma basa kikɛ so le? Esa kama maaŋ shuli n wora ma kusɔ nɛ fo wora ma ere.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

2 Bewura 12:7

Ndoŋ nna nɛ ewura Jɔash tre bɔrɛmatapo Jehowada nɛ bɔrɛmatapoana na m bishi bumo le: “Manɛ nna nɛ menyi maa lɔŋɛ bɔrɛlambu na? Baŋ yili kabre a yɔ, men sa maŋ naŋ ta amansherbi nɛ menyee sɔ na a yili. Men baa ta amo a sa nɛ b baa lɔŋɛ bɔrɛlambu na.”

1 Kronikɛls 19:13

Baa kɔ eleŋ nsaa leŋ fo kumo to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nɛ Enyɛnpe Ebɔrɛ be aparsheŋ e wora.”

1 Kronikɛls 21:4

Ama ewura Deevid kini kechɛrga mbe nfɛra nseŋ shin nɛ Jɔab nu n sa mo nseŋ ya karga Israɛl be benapo na nseŋ bɛta m ba Jerusalɛm,

Nshɛ 115:14

Ma kabɔrɛkule e la fanɛ Enyɛnpe Ebɔrɛ na beeŋ shin nɛ menyi nɛ men be kaman to ebi kikɛ e salga n wora keshi.

Ɛksodɔs 30:12

“Fo kaa karga Israɛl be basa nɛ fo pin bumo be kɔnɔ, fo shin nɛ bumo be ekama e ka kusɔ ko ŋkpal mbe ŋkpa so, saŋɛ na so kulubi kama maaŋ tu mo kekarga na to.

Ɛksodɔs 32:21

Kumo be loŋ be kaman nɛ Mosis bishi Ɛɛrɔn: “Manɛ nɛ basa ere wora fo nɛ fo shin nɛ le be kulubi gboŋgboŋi ere ba bumo so?”

Aŋasa 14:28

Basa e la kuwura. Ewura nɛ e maŋ kɔ basa be kuwura maa ji eleŋ.

Aizaaya 26:15

Enyɛnpe Ebɔrɛ, fo e shin nɛ anyi be basa wora keshi, fo e kpalga anyi be efuli be egbaŋ kaba kama so; nɛ kumo be loŋ bar fo kemaŋkura.

Aizaaya 48:19

Menyi be kaman to ebi beeŋ wora keshi fanɛ shishɛr, nɛ ma alɛ e shin nɛ b sa maŋ mur kikɛ

Ditɛronɔmi 1:11

Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

1 Samuɛl 2:24

Mbia, men yige loŋ be asheŋ na. Enyɛnpe Ebɔrɛ na be basa bee malga asheŋ lubi nɛ menyee wora ere kikɛ be asheŋ a kaŋɛ ma.