1 Kronikɛls 21:23 - EBƆRƐ BE KAWƆL

²³ Nɛ Aruna kaŋɛ le: “Yiramu! Ta kumo n wora kusɔ kama nɛ kepar fo n sa Enyɛnpe Ebɔrɛ na. Ana gba nde! Feeŋ tiŋ n ta amo n lara sarga bɔrɛsure na so nseŋ ta ndibi nɛ b kɔ a bri ayu na malɛ m puga edɛ nseŋ ta ayu malɛ n lara ajibi be sarga. Amo kikɛ la feya nna.”

1 Kronikɛls 21:23 ပူးပေါင်းရင်းမြစ်များ

1 Bewura 19:21

Ndoŋ nna nɛ Elaisha ya mɔ mbe ana dɔso na nseŋ ta amo be abɔto be ndibi na m puga edɛ n daŋɛ amo be eblaŋ na n ta n sa basa na nɛ b we. Kumo be kaman nɛ e ya bɛ anebi Elaija so a chɛ mo to.

1 Kronikɛls 21:22

Ndoŋ nna nɛ ewura Deevid kaŋɛ mo le: “M ba nna nɛ m ba tɔ fo kugooro ere m pɔr bɔrɛsure n sa Enyɛnpe Ebɔrɛ, saŋɛ na so e beeŋ ju aleblawu ere ashi anyi so. Meeŋ tɔ kumo kanaŋkama nɛ feeŋ fa kumo.”

1 Kronikɛls 21:24

Nɛ ewura Deevid malɛ kaŋɛ mo le: “M-m, meeŋ ka amo be kukɔ n sa fo ŋkpal manɛ so m maa sha k lara sarga nɛ m maŋ bɔ kukɔ kumo so n sa Enyɛnpe Ebɔrɛ.”

Jɛremaya 32:8

Kumo be kaman nɛ Hanamɛl ba ma kutɔ ashi kakpa nɛ b ti ma ebu na, fanɛ kananɛ Enyɛnpe Ebɔrɛ na kaŋɛ na, m ba kaŋɛ ma fanɛ n tɔ mbe kasawule. Enyɛnpe Ebɔrɛ na ka teŋ ŋ kaŋɛ ma kumo be asheŋ so

1 Samuɛl 6:14

Ndoŋ nna nɛ ana na gberge turko na m ba kanyɛn ko nɛ e shi Bɛf Shimɛsh nɛ baa tre mo Joshuwa be ndɔ to m ba yili kejembu gboŋgboŋi ko ase. Nɛ basa ko ba kuya turko na be ndibi to m puga edɛ nseŋ mɔ ana na n ta amo n chɔɔ n lara sarga n sa Enyɛnpe Ebɔrɛ.