1 Kronikɛls 21:22 - EBƆRƐ BE KAWƆL

²² Ndoŋ nna nɛ ewura Deevid kaŋɛ mo le: “M ba nna nɛ m ba tɔ fo kugooro ere m pɔr bɔrɛsure n sa Enyɛnpe Ebɔrɛ, saŋɛ na so e beeŋ ju aleblawu ere ashi anyi so. Meeŋ tɔ kumo kanaŋkama nɛ feeŋ fa kumo.”

1 Kronikɛls 21:22 ပူးပေါင်းရင်းမြစ်များ

Jɛnesis 23:9

fanɛ e fa mbe kebeelaŋ nɛ baa tre Makpɛla nɛ k wɔ mbe kasawule be ekarso na n sa ma. Nɛ e shuli, meeŋ tɔ kumo yawu kama nɛ e beeŋ fa kumo n sa ma ashi menyi be anishito nfe, nɛ ndoŋ e ki kakpa nɛ meeŋ baa puli ma basa.”

Jɛnesis 50:10

B daŋ ta loŋ m ba fo Atad nɛ k wɔ Jɔɔdan be epeŋipetekpa be kugooro nɛ b daa bri asɔ ndoŋ na m ba shu awɔrso ndoŋ ga nɛ Josɛf ta bɔkwe n wora keeliwora be edaŋkaresheŋ ndoŋ.

2 Samuɛl 24:21

nseŋ bishi mo le: “Manɛ nna nɛ fo ba nfe, Yiramu?” Nɛ Deevid yɛ: “M ba nna nɛ m ba tɔ fo kugooro ere m pɔr bɔrɛsure n sa Enyɛnpe Ebɔrɛ, saŋɛ na so e beeŋ ju aleblawu ere ashi anyi so.”

1 Bewura 21:2

Kachako nɛ ewura Ahab ya kaŋɛ Nabɔf le: “Ta fo asɔrso nɛ baa tre greep na be kudɔ nɛ k mata ma laŋ na n sa ma nɛ n dɔ epofantaŋ be kudɔ. Meeŋ sa fo asɔrso nɛ baa tre greep na be kudɔ lela n tal to. Nɛ fee sha malɛ, meeŋ ka fo kanaŋkama nɛ feeŋ fa kumo n sa ma.”

1 Kronikɛls 21:21

Aruna ka wu ewura Deevid ka bee ba mo kutɔ na, nɛ e lar kugooro na so n ya gbir kasawule Deevid be anishito ŋ kur mbe kumu n yuu to.

1 Kronikɛls 21:23

Nɛ Aruna kaŋɛ le: “Yiramu! Ta kumo n wora kusɔ kama nɛ kepar fo n sa Enyɛnpe Ebɔrɛ na. Ana gba nde! Feeŋ tiŋ n ta amo n lara sarga bɔrɛsure na so nseŋ ta ndibi nɛ b kɔ a bri ayu na malɛ m puga edɛ nseŋ ta ayu malɛ n lara ajibi be sarga. Amo kikɛ la feya nna.”

Nɔmbɛs 16:48

E kraa yil basa nɛ aleblawu mɔ na nɛ bumo nɛ b maŋ naŋ wu na be nferinto nna nɛ aleblawu na ku.

Nɔmbɛs 25:8

m bɛ Israɛl be kanyɛn na nɛ eche na so n yɔ mbe wajɛbu to n ya da mo nɛ eche na kikɛ m mata abar. Ndoŋ nna nɛ Enyɛnpe Ebɔrɛ shin nɛ aleblawu nɛ k bee tɔrɔ Israɛlebi na kikɛ kuu.