1 Kronikɛls 21:17 - EBƆRƐ BE KAWƆL

¹⁷ Nɛ Deevid kule Enyɛnpe Ebɔrɛ ŋ kaŋɛ le: “Ma e wora n jija nseŋ wora kulubi ŋkpal ŋ ka shin nɛ baa karga basa na so. Nɛ manɛ nɛ bebɔlpo ere malɛ wora? N nyɛnpe nɛ ma Ebɔrɛ. Ma nɛ ma kanaŋ e daga fo ka gberge kusoe nseŋ yige basa ere bre.”

1 Kronikɛls 21:17 ပူးပေါင်းရင်းမြစ်များ

Jɛnesis 44:33

Amoso, jande, shin nɛ ma fo kenya e sɔ kebia na so n shir a wɔ nfe ŋ ki fo kenya nɛ kebia na e tu mo daana ere m bɛta n yɔ epe.

2 Samuɛl 12:10

Amoso fo nanabiana nɛ baŋ koso kachako so na be beko beeŋ wu luwu nyaŋnyaŋso ŋkpal fo ka kini kenu n sa ma nseŋ wora le be kusɔ ŋ ŋaba ma so.

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

2 Samuɛl 24:17

Ewura Deevid ka wu Malaika nɛ e daa mɔ basa na, nɛ e kaŋɛ Enyɛnpe Ebɔrɛ na le: “Ma e wora n jija nseŋ wora kulubi n ti so. Nɛ manɛ nɛ bebɔlpo ere malɛ wora? Ma nɛ ma kanaŋ e daga fo ka gberge kusoe.”

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

1 Bewura 22:17

Ndoŋ nna nɛ anebi Mikaya naŋ kaŋɛ le: “N wu Israɛl be benapo na ka pesaŋ to n sɔ abee so fanɛ mbolpɔ nɛ b maŋ kɔ ekpapo na. Nɛ Enyɛnpe Ebɔrɛ kaŋɛ le: ‘Basa ere maŋ kɔ ejuŋkparpo, shin nɛ b ta kagbenewushi a yɔ epe.’ ”

1 Kronikɛls 21:8

Ndoŋ nna nɛ ewura Deevid kaŋɛ Enyɛnpe Ebɔrɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso jande, ta m paŋ ma ŋkpal manɛ so n wora kawulisheŋ.”

Nshɛ 44:11

Fo yige anyi nna nɛ an ki fanɛ asɔbɔya nɛ basa bee mɔ a ji, nseŋ pesaŋ anyi to n wɔtɔ efuli pɔtɛana to.

Nshɛ 51:14

Mɔlga ma ashi kamɔ be kulubi to. Ŋkpal manɛ so, fo nawule e naŋ tiŋ m mɔlga ma. Saŋɛ na so meeŋ boŋ kashɛ awɔrso ŋ kaŋɛ fo kumɔlga be eleŋ na be asheŋ.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Jona 1:12

Nɛ Jona kaŋɛ: “Men ta ma n lɛ teku na to, aloŋ beeŋ shin nɛ k wora shruum. M baa nyi geeŋ fanɛ ŋ ka wora n jija so nɛ le be afugboŋ lubi ere tu anyi na.”

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

Joshuwa 22:18

Ŋko menyee sha nna nɛ men pal kaman n sa Enyɛnpe Ebɔrɛ? Men baŋ kini kenu n sa Enyɛnpe Ebɔrɛ kabre, echefoso, mo alɛ beeŋ nya agbo n wɔtɔ Israɛlebi kikɛ.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.