1 Kronikɛls 21:12 - EBƆRƐ BE KAWƆL

¹² Akoŋgboŋ be ketɔr fo kasawule so nfɛ asa ŋko fo keshile fo doŋana afɔl asa ŋko kulɔ be aleblawu ko be keba fo kasawule so m ba mɔ basa nchɛnsa? Fɛ kumo be asheŋ nseŋ kaŋɛ ma kusɔ nɛ fee sha fanɛ ŋ kaŋɛ Enyɛnpe Ebɔrɛ.”

1 Kronikɛls 21:12 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

2 Bewura 19:35

Ade be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to kanyɛso n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi nɛ bumo kikɛ wu a dese!

2 Bewura 8:1

Elaisha daŋ kaŋɛ Shunɛm be kache nɛ mbe kebia daŋ wu nɛ mo ere Elaisha tiŋi mo na nna fanɛ e keta mbe kanaŋ n yɔ kaplɛkama nɛ e bee sha n ya chena ŋkpal manɛ so Enyɛnpe Ebɔrɛ na beeŋ shin nɛ akoŋgboŋ e tɔr kasawule na so nfɛ ashunu.

1 Kronikɛls 21:11

Ndoŋ nna nɛ anebi Gad yɔ ewura Deevid kutɔ n ya kaŋɛ mo kusɔ nɛ Enyɛnpe Ebɔrɛ kaŋɛ na. E yɛ: “Asɔ asa ere to be kumo nɛ feeŋ ba sha?

Nshɛ 91:6

ŋko tentembiri to be alɔ mɔso ŋko kapiidi be kayurnyaŋ lubi kikɛ.

Ɛksodɔs 12:23

Saŋɛ na so Enyɛnpe Ebɔrɛ na baŋ luri Ijipt to nɛ e mɔ ewurkoŋnyɛn nseŋ wu ŋklaŋ ka gbiti menyi be akuloŋ be esoso nɛ akel to, e beeŋ baŋ amo so n choŋ nɛ emɔpo na maaŋ luri menyi be elaŋ to m mɔ menyi be ewurkoŋnyɛn.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 42:16

kumo ere kena nɛ menyee ŋana na beeŋ ba menyi so nɛ akoŋ nɛ kumo be asheŋ bee da menyi kufu na gba e ba menyi so nɛ men ya wu ashi Ijipt to ndoŋ.

Jɛremaya 47:6

Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Nfabel 4:9

Bumo nɛ b daŋ wu kena to na bɔ bumo nɛ akoŋ mɔ na. Ŋkpal b ka maŋ nya ajibi nɛ b ji so, akoŋ shin nɛ b ji awurfoŋ nna hale n ya wu.

Levitikɔs 26:10

Adɔjibi nɛ menyeeŋ teŋi beeŋ baa shi alegaiso hale nɛ kafɛ e bɔɔ m ba tu amo, nɛ men muu adra na n ya lɛ nseŋ nya ebu n wɔtɔ ajibi popɔr nɛ menyeeŋ teŋi na.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Luuk 4:25

Men nu nfe, kashenteŋ nna fanɛ anebi Elaija be jemanɛ na bekulpoche damta e daa wɔ Israɛl be efuli so saŋɛ nɛ bɔrɛ daa maŋ ba nfɛ asa nɛ bargato nɛ akoŋ daŋ tɔr efuli ere so kikɛ na.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:27

Enyɛnpe Ebɔrɛ na beeŋ shin nɛ asɔ puŋiso e tɔr menyi so fanɛ kananɛ e daŋ wora Ijiptebi na. E beeŋ shin nɛ achuubɔbɔ e to n to menyi be eyurana so, nɛ ajijeli a pɛ menyi nɛ men baa wule eyur, ama menyi alɛ maaŋ nya kechɛ kikɛ.

Ditɛronɔmi 28:35

Enyɛnpe Ebɔrɛ na malɛ beeŋ shin nɛ men be aya e ku atamɛ nɛ a bee besa ga, ama amo alɛ maaŋ nya kechɛ kikɛ. Achuubɔbɔ beeŋ to n to men be amu to n ya fo ayadra so.