1 Kronikɛls 20:8 - EBƆRƐ BE KAWƆL

⁸ Basa asa nɛ ewura Deevid nɛ mbe benapo mɔ ere kikɛ daa la Gaaf be basa tenteŋ gboŋgboŋi na be kenana nna.

1 Kronikɛls 20:8 ပူးပေါင်းရင်းမြစ်များ

2 Samuɛl 21:16

Kanyɛn gboŋgboŋi ko nɛ baa tre Ishbibenɔb nɛ e shi Rafa be kanaŋ to a kɔ danyaŋ be kekpa nɛ kumo be egbɛ daa sa fanɛ kilo asa, nɛ tokobi popɔr to na fɛ fanɛ e beeŋ tiŋ m mɔ Deevid.

2 Samuɛl 21:22

Le be basa ana gboŋgboŋi ere kikɛ daŋ shi Rafa be kanaŋ to nna ashi Gaaf nɛ Deevid nɛ mbe benapo mɔ bumo kikɛ.

1 Kronikɛls 20:7

Mo e daŋ wora Israɛlebi na eyurto nɛ ewura Deevid mo da Shamaa pibinyɛn Jonatan mɔ mo na.

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”