1 Kronikɛls 20:5 - EBƆRƐ BE KAWƆL

⁵ Kena ko ka naŋ koso Israɛlebi na nɛ Filistiebi na be kefɛato nɛ Jair pibinyɛn Ɛlhanan mɔ Lami nɛ e la Goliɛf nɛ e shi Gaaf na mo da na. Mbe kekpa be kedibi be bumburuŋ daa du fanɛ keyapuye nna.

1 Kronikɛls 20:5 ပူးပေါင်းရင်းမြစ်များ

2 Samuɛl 21:19

Kena ko gba daŋ naŋ koso bumo nɛ Filistiebi na be kefɛato ashi Gɔɔb. Kena na to nɛ Jair pibinyɛn Elhanan nɛ e shi Bɛtlɛhɛm na daŋ mɔ Goliɛf mo sipo Lami nɛ e la Giti be esa nɛ mbe kekpa be kedibi be bumburuŋ daa du fanɛ esa be keyapuye na.

1 Kronikɛls 11:23

E daŋ mɔ Ijipt be kanyɛn gboŋgboŋi ko nɛ mbe nteŋ du fanɛ ayadra ashunu nɛ bargato nɛ e daŋ keta kekpa gboŋgboŋi ko a kɔ mo, ama Bɛnaya bre daŋ ta kaprɛ nna ŋ kɔ mo nseŋ suge Ijipt be esa na be kekpa na ashi mbe enɔ to nseŋ mɔ mo.

1 Kronikɛls 20:6

Kena nyɔsopo ka naŋ koso ashi Gaaf, nɛ kanyɛn tenteŋ gboŋgboŋi ko nɛ e la Filisti be enapo nsaa kɔ ashilbi nɛ anashibi asheshe wɔ ndoŋ. E daa la dra na be basa tenteŋ gboŋgboŋiana nɛ baa tre Rafa na be kenana nna.

1 Samuɛl 17:4

Kanyɛn ko nɛ baa tre Goliɛf nɛ e shi Gaaf be kade to daŋ lar Filistiebi na be keeyi to nna m ba kaa to Israɛlebi na emaŋ. E daa shibi a chɔ dimɛdi kikɛ nɛ mbe nteŋ daa sa fanɛ ayadra akpanu nɛ gbrɛbi,

1 Samuɛl 17:7

Mbe kekpa be kedibi be bumburuŋ daa sa fanɛ keyapuye, nɛ kumo be kumu be egbɛ malɛ sa fanɛ kilo ashunu. Enapo ko daa juŋkpar mo nna a keta mbe kebɛlso be kusɔ kuŋso na.

1 Samuɛl 21:9

Nɛ Ahimɛlɛk malɛ kaŋɛ le: “Ŋ kɔ Goliɛf nɛ e la Filisti be esa nɛ fo mɔ ashi Ela be ketaŋɛ to na be tokobi ŋ kutɔ. B ta wajɛ m mɛa kumo so nɛ k wɔ kale lela nɛ baa tre Ɛfɔd na be kaman. Nɛ fee sha fo ta kumo ŋkpal manɛ so kumo nawule e la kekɔsɔ nfe.” Nɛ Deevid kaŋɛ: “Tokobi kama maŋ naa wɔtɔ n fo kumo so. Ta kumo n sa ma.”

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”