1 Kronikɛls 2:7 - EBƆRƐ BE KAWƆL

⁷ Kaami nɛ e shi Zɛra be kanaŋ to na pibinyɛn Eekan e daŋ ta asɔ nɛ a la Ebɔrɛ peya, nɛ aleblawu tɔr Israɛl be efuli kikɛ so ŋkpal loŋ so na.

1 Kronikɛls 2:7 ပူးပေါင်းရင်းမြစ်များ

1 Kronikɛls 2:6

Zɛra malɛ be mbinyɛnsobi e daa la Zimri nɛ Etan nɛ Heman nɛ Kalkol nɛ Daada.

1 Kronikɛls 2:8

Ebinyɛn koŋwule nɛ Etan daa kɔ, mo e la Azariya.

1 Kronikɛls 4:1

Juda be kaman to ebi na be beko e daa la Pɛrez nɛ Hezrɔn nɛ Kaami nɛ Hur nɛ Shobaal.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 7:26

Men sa maŋ kaŋ bar agbirana ere be kekama menyi peana. Nɛ men wora loŋ, kɔnɔsho nɛ k wɔ basa na so na beeŋ ba menyi alɛ gba so. A daga fanɛ men kishi amo be asheŋ nsaa gelge amo kenishipere so, ŋkpal manɛ so, Enyɛnpe Ebɔrɛ na shoduu amo nna.”

Joshuwa 22:20

Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.

Joshuwa 7:25

Nɛ Joshuwa kaŋɛ le: “Eekan, fo wɔtɔ anyi tɔrɔ to bre, ama Enyɛnpe Ebɔrɛ beeŋ gberge fo alɛ gba kusoe kabre!” Ndoŋ nna nɛ Israɛlebi na kpa Eekan nɛ mbe kanaŋ ajembu m mɔ nseŋ chɔ bumo nɛ bumo be asɔ kikɛ.