1 Kronikɛls 2:55 - EBƆRƐ BE KAWƆL

⁵⁵ Salma e daa la Jabez be kabuna ebi na bumo nananyɛn mo nɛ e daa sibɛ bumo be demuji be asheŋ nɛ abane be asheŋ kikɛ a nase. Bumo e daa la, Tirafebi nɛ Shimitebi nɛ Sukaebi. Bumo nɛ Rekabebi kikɛ daa la Haamaf nɛ e la Kɛn be esa na be kenana nna.

1 Kronikɛls 2:55 ပူးပေါင်းရင်းမြစ်များ

2 Bewura 10:15

Jehu ka naŋ lar a yɔ, nɛ e ya tu Rekab pibinyɛn Jonadab. Ndoŋ nna nɛ Jehu chɔrɔ mo nseŋ bishi mo le: “Ma nɛ fo kikɛ be nfɛra la kukoŋwule nna. Feeŋ chɛ ma to a?” Nɛ Jonadab yɛ: “Mm, meeŋ chɛ fo to.” Ndoŋ nna nɛ Jehu kaŋɛ mo le: “Kumo ere ta fo enɔ n sa ma.” Nseŋ pɛ mbe enɔ to ŋ gberge mo nɛ e luri gbaŋɛturko na to,

1 Kronikɛls 2:54

Salma nɛ e daŋ juŋkpar n chena Bɛtlɛhɛm na e daa la Netofa be basa nɛ Atrɔf Bɛf Jɔab nɛ Zorebi nɛ b daa la Manahaf be mbuna anyɔ na be kuko bumo nananyɛn.

1 Kronikɛls 3:1

Saŋɛ so nɛ Deevid daa wɔ Hibrɔn na, mbinyɛnsobi ashe nɛ e daŋ kurge. Kananɛ b bɛ abar so kenimu kenimuso nde: Mo pibi nɛ e juŋkpar e la Ammɔn nɛ mo nio daa la Ahinɔam nɛ e shi Jizreel na. Emo nɛ e bɛ so enyɔsopo e la Danɛl nɛ mo nio daa la Abigɛl nɛ e shi Kamɛl na. Emo nɛ e bɛ so esasopo e la Absalɔm nɛ mo nio daa la Maaka nɛ e daa la Gɛshur be ewura Talmai pibiche na. Emo nɛ e bɛ so enasopo e la Adonija nɛ mo nio daa la Hagif na. Emo nɛ e bɛ so enusopo e la Shefatiya nɛ mo nio daa la Abitaal na. Emo nɛ e bɛ so eshesopo e la Itriam nɛ mo nio daa la Egla na

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Jɛremaya 35:19

Amoso ma, Enyɛnpetale, Israɛl be Ebɔrɛ na bee nase kɔnɔ nna a sa Rekab be kabuna ebi fanɛ b maa ba nɛ b paŋ esa nɛ e beeŋ shuŋ ma kikɛ.”

Jɛremaya 8:8

Nuso nɛ menyeeŋ tiŋ ŋ kaŋɛ fanɛ men nyi asheŋ nsaa nyi ma mbraana na? Mbraŋinipoana na chɛrga amo nna nɛ e ki efɛ men kutɔ.

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.