1 Kronikɛls 19:6 - EBƆRƐ BE KAWƆL

⁶ Ewura Hanun nɛ Ammɔnebi na malɛ ka pin fanɛ ewura Deevid ki bumo doŋ, nɛ b ta gbiti be ndarbi nɛ amo be egbɛ sa fanɛ kilo ŋgboŋ adesa nɛ ana n ya haya egbaŋɛturko nɛ egbaŋɛturko be bediipoana ashi Mɛsopoteemia be efuli so nɛ Maaka nɛ Zoba nɛ a la Siriyaebi be efuli na.

1 Kronikɛls 19:6 ပူးပေါင်းရင်းမြစ်များ

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

1 Kronikɛls 18:5

Siriyaebi nɛ b shi Damaskɔs na ka shuŋi benapo fanɛ b ya chɛ Zoba be ewura Hadadeza to ŋ kɔ kena, nɛ ewura Deevid mɔ bumo be basa ŋgboŋ adunyɔ nɛ anyɔ.

1 Kronikɛls 18:9

Hamaf be kade to be ewura Toi ka nu fanɛ ewura Deevid kɔ m pɔɔ Hadadeza be benapo kikɛ so na,

1 Kronikɛls 19:5

Nɛ mbɔ na fin kananɛ baaŋ naŋ bɛta n yɔ epe ŋ gben ŋkpal anishinyɔr so. Ewura Deevid ka nu kusɔ nɛ k wora na nɛ e shuŋi n ya kaŋɛ mbɔ na fanɛ b ya kaa wɔ Jɛriko n ya fo jemanɛ nɛ bumo be ntɔl na beeŋ kɔr pɔɛŋ nɛ b ba epe.

2 Kronikɛls 18:3

Le nɛ e daŋ bishi mo: “Feeŋ tu ma n ya kɔ Ramɔfebi kena a?” Nɛ ewura Jehoshafat kaŋɛ: “Saŋkama nɛ fo wora shiriya, ma alɛ gba wora shiriya, nɛ ma benapo gba wora shiriya. Anyeeŋ tu fo n yɔ.

2 Kronikɛls 18:5

Ndoŋ nna nɛ Ahab tre anebiana alfa ana m bishi bumo le: “N ya kɔ Ramɔf ebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ m sɔ kumo.”

2 Kronikɛls 18:9

Bewura anyɔ na daŋ buu bumo be ewurpiŋi nna a tase bumo nwurputi so ashi kugooro nɛ baa bri asɔ nɛ k wɔ Samɛria be kabunagboŋ na be ekarso na so, nɛ anebiana na kikɛ yil bumo be anishito a kaŋɛ kusɔ nɛ Ebɔrɛ kaŋɛ.

2 Kronikɛls 25:6

E daŋ ta gbiti nɛ amo be egbɛ sa fanɛ kilo ŋgboŋ asa nɛ alfa ana nna n haya benapo ŋgboŋ kalfa ashi Israɛl be efuli so n ti bumo so.

2 Kronikɛls 27:5

E daŋ ya kɔ Ammɔn be ewura nɛ mbe benapo kena nna nseŋ pɔɔ bumo so n tintiŋ Ammɔnebi na nɛ baa ka lampo a sa mo kafɛ kafɛ kikɛ hale n ya fo nfɛ asa. Asɔ nɛ b daa ka a sa mo na e la, gbiti kilo ŋgboŋ asa nɛ alfa ana nɛ ayu ebɔtɛ ŋgboŋto be kagboŋ koŋwule nɛ ayu peper malɛ ebɔtɛ ŋgboŋto gboŋto be kagboŋ koŋwule.

Nshɛ 14:3

Ama basa kikɛ wora n foe ekpa. Bumo kikɛ wora alubi. Ekama maŋ wɔtɔ a wora alela; esa koŋwule gba maŋ wɔtɔ.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Samuɛl 13:4

Nɛ mbɔ na kaŋɛ Israɛl be basa le: “Sɔɔl mɔ Filistiebi be benapo be enimu na ashi Gɛba nɛ Israɛlebi be asheŋ pɛ Filistiebi na agbo ga, amoso k daga fanɛ kade kikɛ ka lara benapo nɛ b ya ti Sɔɔl be benapo so ashi Gilgaal.”

1 Samuɛl 14:47

Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.

1 Samuɛl 27:12

Akish daŋ yirda Deevid ga nsaa fɛ le: “Ŋkpal Deevid be basa, Israɛlebi, ka kishi mo ga so e beeŋ ki ma kayɛrbi mbaanaayɔ.”