1 Kronikɛls 19:2 - EBƆRƐ BE KAWƆL

² Ndoŋ nna nɛ ewura Deevid fɛ le: “A daga ŋ ka bugi kagbene n wora Hanuun kelela, fanɛ kananɛ, mo tuto Nahaash gba daŋ bugi mbe kagbene n wora ma kelela na.” Amoso Deevid daŋ shuŋi mbɔ nna fanɛ b ya wora Hanuun edaŋkena. B ka ya fo Ammɔn be kasawule so,

1 Kronikɛls 19:2 ပူးပေါင်းရင်းမြစ်များ

2 Samuɛl 9:1

Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Bewura 4:13

Elaisha kaŋɛ Gehazi fanɛ e bishi mo kusɔ nɛ e bee sha fanɛ e wora n sa mo ŋkpal kelela nɛ e bee wora bumo na so. E yɛ: “E beeŋ ba sha fanɛ n ya kaŋɛ ewura ŋko benapo be enimu na mbe asheŋ lela ere be asheŋ a?” Nɛ kache na kaŋɛ le: “Ŋ kɔ kusɔ kama nɛ mee sha nfe ashi ma basa to.” Nseŋ bɛta n yɔ.

1 Kronikɛls 19:1

K maŋ chɛr ko nɛ Ammɔn be ewura Nahaash wu, nɛ mo pibinyɛn Hanuun ki ewura.

1 Kronikɛls 19:3

nɛ Ammɔn be bewurbi na kaŋɛ ewura na le: “Fee fɛ fanɛ fo tuto be bunyaŋ so nɛ ewura Deevid shuŋi basa ere fanɛ b ba wora fo edaŋkena ere a? Manɛ loŋ so nna! E shuŋi bumo nna nɛ b ba dara anyi be efuli ere saŋɛ na so e beeŋ ba kɔ m pɔɔ anyi so!”

Nehemaya 13:1

Kachɛ nɛ b kraŋ Mosis be mbra na awɔrso n sa ekama na nɛ kelar efuli fanɛ Ammɔnebi nɛ Mowabebi maŋ daga fanɛ b ti Ebɔrɛ be basa so.

Nehemaya 4:3

Jemanɛ na so nɛ Tobaya nɛ e shi Ammɔn be efuli so na yil mo kutɔ, nseŋ kaŋɛ le: “Nuso bre be egbal nɛ baa sha kepɔr ere? Jiŋkaamu gba beeŋ tiŋ ŋ ŋin kumo n lɛ!”

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Ɛsta 6:3

Nɛ ewura na bishi bumo le: “Mɔdikaya ka wora le ere bre, manɛ be kakɔka nɛ kemaŋkura bre nɛ an sa mo n tal to?” Nɛ mbe nyɛrbi na yɛ: “B maŋ wora shɛŋ n sa mo.”

Kaŋinichiŋgeliŋ 9:15

Etirpo ko daa wɔ kadebi na to a nyi asheŋ ga, nseŋ daŋ bɔla mbe kanyiasheŋ so m mɔlga kumo. Ama ekama daa maŋ naa nyiŋi mbe asheŋ.

Baru lela nɛ Jɔn kute na 11:19

amoso, Juwebi damta daŋ shi ndoŋ nna m ba nɛ b ba wushi Maata nɛ Mɛɛri kagbene ŋkpal bumo siponyɛn ka wu so.

1 Samuɛl 30:26

Deevid ka bɛta n yɔ Ziklag nɛ e ta asɔ nɛ b ya muu kena to na be ako n ya sa mo teriana nɛ Juda be bejuŋkparpoana na nseŋ kaŋɛ bumo le be kubɔya ere: “Enyɛnpe Ebɔrɛ mo doŋana na kutɔ nɛ n suge asɔ ere nɛ m ba sa menyi fanɛ kakɛ na.”