1 Kronikɛls 18:3 - EBƆRƐ BE KAWƆL

³ Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

1 Kronikɛls 18:3 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

1 Kronikɛls 18:2

Ewura Deevid daŋ kɔ m pɔɔ Mowabebi gba so nna nseŋ shin nɛ b sɔ mo ŋ ki bumo be ewura a ka lampo a sa mo.

1 Kronikɛls 18:4

Kena na to nɛ ewura Deevid suge egbaŋɛturko kagboŋ nseŋ pɛ egbaŋɛdiipoana ŋgboŋ ashunu nɛ benapo nɛ b na ayaso malɛ ŋgboŋ adunyɔ. E daŋ tuge egbaŋɛ na kikɛ be achin nna nseŋ yige bumo to be kalfa nɛ baa gberge eturko na.

2 Kronikɛls 8:3

Ewura Sɔlɔmɔn daŋ ya kɔ Hamaf Zoba kena nna n sɔ ndoŋ be kaba na so kikɛ.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 60:2

Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

1 Samuɛl 14:47

Saŋɛ nɛ Sɔɔl daa ji kuwura ashi Israɛl be efuli so na, e daŋ yɔ kaplɛkama nɛ mo doŋana wɔ nna n ya kɔ bumo kena. Mo doŋana e daa la Mowab be basa nɛ Ammɔn nɛ Edɔm be basa nɛ Zoba be bewura nɛ Filistiebi. Kaplɛkama malɛ nɛ e daŋ kɔ kena, e daŋ pɔɔ so nna.