1 Kronikɛls 18:2 - EBƆRƐ BE KAWƆL

² Ewura Deevid daŋ kɔ m pɔɔ Mowabebi gba so nna nseŋ shin nɛ b sɔ mo ŋ ki bumo be ewura a ka lampo a sa mo.

1 Kronikɛls 18:2 ပူးပေါင်းရင်းမြစ်များ

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

1 Bewura 10:2

E daŋ keta mbe benimu damta ko nna nseŋ kre asɔ nɛ a kɔ efɛa belbelso nɛ yawu kpakpaso be abitasɔ nɛ shuwa damta ko n deŋi enyɔma so n yɔ. E ka ya fo nɛ mo nɛ ewura Sɔlɔmɔn malga asheŋ nɛ a wɔ mbe nfɛra to kikɛ.

1 Bewura 10:25

Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Kronikɛls 18:1

Kede be kaman be jemanɛ ko ewura Deevid naŋ lɔŋɛ n ya kɔ Filistiebi na kena nna nseŋ pɔɔ bumo so. E daŋ kɔ n sɔ Gaf be kade nɛ ndewurbi nɛ a kulti kumo na kikɛ nna.

1 Kronikɛls 18:3

Kumo be kaman nɛ ewura Deevid lar n ya kɔ m pɔɔ Zoba nɛ k mata Hamaf nɛ k wɔ Siriya be efuli so na be ewura nɛ baa tre Hadadeza na so, saŋɛ nɛ e daŋ ya kaa shin nɛ e sɔ Yufreetes be Lɔr na ase be efuli na ŋ ki mo peya na.

Nshɛ 60:8

Nɛ Mowab la fo kusɔ fɔr enɔ, nɛ fee ta fo asɛbta malɛ a deŋi Edɔm so, nsaa yili Filisti malɛ so a cha kekɔmpɔɔso be awɔr.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 16:1

Mowab be basa nɛ b wɔ kiyi to be kadegboŋ nɛ baa tre Sela na ta mbolpɔ fɔlbi n shuŋi n ya sa Jerusalɛm be ewura nna.

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.