1 Kronikɛls 18:13 - EBƆRƐ BE KAWƆL

¹³ E daŋ wora benapo be echenakpaana nna ashi Edɔm be efuli so kikɛ nna n shin nɛ basa nɛ b wɔ ndoŋ na kikɛ sɔ ewura Deevid ŋ ki bumo be ewura. Kaplɛkama malɛ nɛ ewura Deevid daŋ yɔ, Enyɛnpe Ebɔrɛ na daa shin nna nɛ e bee kɔ a pɔɔ so.

1 Kronikɛls 18:13 ပူးပေါင်းရင်းမြစ်များ

Jɛnesis 25:23

Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 27:37

Nɛ Aizek kaŋɛ mo pibi Isɔɔ: “N teŋ ta mo ŋ ki fo nyɛnpe nseŋ ta mo niopibiana kikɛ ŋ ki mbe nyɛrbi. N ta ayu be yiri to be asɔ duuso kikɛ be kanya nɛ yabra belbelso kikɛ be kanya n sa mo. Amoso m pibi shɛŋ maŋ naa wɔtɔ nɛ meeŋ naŋ tiŋ n wora n sa fo.”

Jɛnesis 27:40

Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

2 Samuɛl 23:14

nseŋ sɔ Bɛtlɛhɛm kikɛ nɛ ewura Deevid malɛ wɔ kakpa nɛ e ŋana na.

1 Bewura 11:15

Dra dra na ewura Deevid daŋ kɔ Edɔm be efuli kena nna m pɔɔ kumo so nɛ mbe benapo be enimu Jɔab yɔ ndoŋ n ya puli basa nɛ b mɔ kena na to na kikɛ. Kumo be kaman nɛ mo nɛ mbe basa chena Edɔm afɔl ashe m mɔ enyɛn kikɛ nɛ e daa wɔ Edɔm.

1 Kronikɛls 18:12

Ewura Deevid be enapo nɛ baa tre Abishai nɛ mo nio daa la Zuriya na e daŋ kɔ m pɔɔ Edɔmebi nɛ b daa wɔ Nfɔl be ketaŋɛ na ase nseŋ mɔ basa ŋgboŋ kuduaburwa kikɛ.

1 Kronikɛls 18:14

Ewura Deevid daa la Israɛl be efuli so kikɛ be ewura nna nseŋ daa ji asheŋ nɛ amo be ekpa so nsaa wora asheŋ nɛ a niŋi.

1 Kronikɛls 18:6

Kede be kaman nɛ Deevid shin nɛ mbe benapo na be beko chena Damaskɔs n shin nɛ Siriyaebi na sɔ Deevid ŋ ki bumo be ewura a ka lampo a sa mo. Kaplɛkama nɛ ewura Deevid daŋ baŋ yɔ Enyɛnpe Ebɔrɛ daa shin nɛ e bee kɔ a pɔɔ so nna.

Nshɛ 121:7

Enyɛnpe Ebɔrɛ na e naŋ kuŋ fo ashi kusɔ kama nɛ k beeŋ tiŋ n doro fo, ŋko m mɔ fo. Saŋɛ na so, shɛŋ shɛŋ maaŋ wora fo.

Nshɛ 144:10

Fo e naa shin nɛ bewura bee kɔ a pɔɔ so, fo e naa kɔ a mɔlga fo kayɛrbi, Ewura Deevid ashi kena to.

Nɔmbɛs 24:18

E beeŋ kɔ m pɔɔ so mo doŋana Edɔmebi so nseŋ ta bumo be kasawule ŋ ki mbe kapetɛ. Israɛl beeŋ baa kɔ a pɔɔ so saŋkama.

2 Kɔrintebi 11:32

Ŋ ka daa wɔ Damaskɔs na, gomena mo nɛ e daa wɔ Ewura Aritas be kaseto na daŋ shin nɛ bekumpo ya kuŋ kade na be mbunaakpa nna fanɛ b pɛ ma.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.

1 Samuɛl 13:3

Nɛ Jonatan be benapo yɔ n ya kɔ Filistiebi be benapo ashi Gɛba, nɛ Filistiebi na kikɛ nu kumo be asheŋ. Ndoŋ nna nɛ Sɔɔl shuŋi mbɔ fanɛ b nite efuli na so kikɛ n foŋ kabel ŋ kaŋɛ basa kusɔ nɛ k wora.

1 Samuɛl 14:1

Kachako nɛ Sɔɔl pibinyɛn Jonatan kaŋɛ kabrantiɛbia nɛ e bee sulɔ mbe akɔsɔ na le: “Shin nɛ an yɔ Filistiebi be benapo na be keeyi to.” Ama Jonatan malɛ daa maŋ kaŋɛ mo tuto Sɔɔl kumo be asheŋ,

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.