1 Kronikɛls 18:12 - EBƆRƐ BE KAWƆL

¹² Ewura Deevid be enapo nɛ baa tre Abishai nɛ mo nio daa la Zuriya na e daŋ kɔ m pɔɔ Edɔmebi nɛ b daa wɔ Nfɔl be ketaŋɛ na ase nseŋ mɔ basa ŋgboŋ kuduaburwa kikɛ.

1 Kronikɛls 18:12 ပူးပေါင်းရင်းမြစ်များ

2 Samuɛl 10:10

Mo sipo Abishai e daŋ juŋkpar benapo nɛ b ka na n ya kaa kɔ Ammɔnebi,

2 Samuɛl 10:14

Ammɔnebi na ka wu fanɛ Siriyaebi na bee shile na nɛ bumo alɛ gba lara keya fuful Abishai be anishito n shile n luri kade to. Ndoŋ nna nɛ Jɔab yige kekɔ Ammɔnebi na nseŋ bɛta n yɔ Jerusalɛm.

2 Samuɛl 20:6

Nɛ ewura na kaŋɛ Abishai le: “Bikri pibinyɛn Shɛba beeŋ tɔrɔ anyi a chɔ Absalɔm. Amoso, ya keta ma benapo lempo na n ju m bɛ mo so, nɛ e maaŋ nya ekpa n luri kade nɛ b pɔr egbal ŋ kulti na to ŋ ŋana anyi so.”

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

2 Samuɛl 23:18

Jɔab mo sipo Abishai nɛ mo nio la Zeruwa na e daa la benapo lempo adesa nɛ bumo be atre daŋ dii na to be ejuŋkparpo. E daŋ ta mbe kekpa nna ŋ kɔ benyɛn alfa asa m mɔ bumo kikɛ nɛ mbe ketre dii fanɛ benapo lempo asa nɛ bumo be atre daŋ dii a chɔɔ ekama na.

2 Samuɛl 3:30

Jɔab nɛ mo sipo Abishai e daŋ wora kɔnɔ m mɔ Abna ŋkpal e ka mɔ bumo sipo Asahɛl ashi Gibiɔn be kena to so.

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

1 Bewura 11:15

Dra dra na ewura Deevid daŋ kɔ Edɔm be efuli kena nna m pɔɔ kumo so nɛ mbe benapo be enimu Jɔab yɔ ndoŋ n ya puli basa nɛ b mɔ kena na to na kikɛ. Kumo be kaman nɛ mo nɛ mbe basa chena Edɔm afɔl ashe m mɔ enyɛn kikɛ nɛ e daa wɔ Edɔm.

2 Bewura 14:7

Amaziya e daŋ mɔ Edɔmebi be benapo ŋgboŋ kudu ashi ketaŋɛ nɛ baa tre Nfɔl be ketaŋɛ na ase saŋɛ nɛ e daa la ewura na. E daŋ kɔ n sɔ kade nɛ baa tre Sɛla na gba nna nseŋ nase kumo be ketre Joktihiil. Loŋ be ketre nɛ kade na kra ji hale kabre.

1 Kronikɛls 11:20

Jɔab mo da Abishai e daa la benapo adesa na be ejuŋkparpo. Mo e daŋ ta mbe kekpa m mɔ benapo alfa asa kikɛ na. Amoso mbe ketre daŋ dii nna fanɛ benapo lempo asa na.

1 Kronikɛls 18:11

Ndoŋ nna nɛ ewura Deevid ta asɔ na n ti shuwa nɛ gbiti nɛ e kɔ Edɔm nɛ Mowab nɛ Ammɔn nɛ Filisti nɛ Amalɛk be efuliana n sɔ na so m bɔɔ Ebɔrɛ enɔ.

1 Kronikɛls 18:13

E daŋ wora benapo be echenakpaana nna ashi Edɔm be efuli so kikɛ nna n shin nɛ basa nɛ b wɔ ndoŋ na kikɛ sɔ ewura Deevid ŋ ki bumo be ewura. Kaplɛkama malɛ nɛ ewura Deevid daŋ yɔ, Enyɛnpe Ebɔrɛ na daa shin nna nɛ e bee kɔ a pɔɔ so.

1 Kronikɛls 19:11

nseŋ shin mo sipo Abishai malɛ juŋkpar benapo nɛ b ka na n ya kaa kɔ Ammɔnebi na.

1 Kronikɛls 2:16

Mbe mbichesobi daa wɔ benyɔ nna. Bumo e la Zeruwa nɛ Abigɛl. Jɛsi pibiche Zeruwa daa kɔ mbinyɛnsobi asa. Bumo e daa la Abishai nɛ Jɔab nɛ Asahɛl.

2 Kronikɛls 25:11

Ndoŋ nna nɛ ewura Amaziya leŋ mbe kumu to nseŋ juŋkpar mbe benapo n yɔ Nfɔl be Ketaŋɛ na to n ya kɔ kena m mɔ Edɔm be efuli so be benapo ŋgboŋ kudu kikɛ,

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 60:2

Fo shin nɛ kasawule gbuŋgbuŋ to m baŋɛ to m bugi to. Naniere shin nɛ kasawule na e cha abar so nseŋ yige kebaa gbuŋgbuŋ to.

1 Samuɛl 26:6

Nɛ Deevid bishi Ahimɛlɛk nɛ e la Hiti be esa na nɛ Zeruwa pibinyɛn Abishai nɛ e la Jɔab mo sipo na le: “Menyi basa anyɔ ere be emo e naaŋ shuŋi ma n yɔ Sɔɔl kutɔ ashi mbe keeyi to?” Nɛ Abishai yɛ: “Meeŋ shuŋi fo n yɔ.”

1 Samuɛl 26:8

Nɛ Abishai kuli ŋ kaŋɛ Deevid le: “Naniere bre Ebɔrɛ ta fo doŋ n wɔtɔ fo enɔ to nna na. Shin nɛ n ta mo gbagba be kekpa ere m baŋ da mo m mata kasawule kela koŋwule paati. M maaŋ da mo kumo ale anyɔ!”