1 Kronikɛls 18:11 - EBƆRƐ BE KAWƆL

¹¹ Ndoŋ nna nɛ ewura Deevid ta asɔ na n ti shuwa nɛ gbiti nɛ e kɔ Edɔm nɛ Mowab nɛ Ammɔn nɛ Filisti nɛ Amalɛk be efuliana n sɔ na so m bɔɔ Ebɔrɛ enɔ.

1 Kronikɛls 18:11 ပူးပေါင်းရင်းမြစ်များ

1 Bewura 7:51

Ewura Sɔlɔmɔn ka wora bɔrɛlambu na to be kushuŋ kikɛ n loge, nɛ e ta asɔ nɛ mo tuto ewura Deevid ta m bɔɔ Enyɛnpe Ebɔrɛ enɔ na n wɔtɔ bɔrɛlambu na be ebuana nɛ baa ta asɔwurbi a yili na to. Amo e la shuwa nɛ gbiti nɛ asɔ nɛ baa ta a shuŋ bɔrɛlambu na to na.

2 Bewura 12:18

Ndoŋ nna nɛ Juda be ewura Jɔash ta esarga nɛ mo nananyɛnana Jehoshafat nɛ Jehoram nɛ Ahaziya daŋ ta n sa Enyɛnpe Ebɔrɛ na nɛ mo gbagba be sarga nɛ shuwa nɛ a wɔ bɔrɛlambu to nɛ ewura pe na n ya sa ewura Haziɛl fanɛ mbe kakɛ pɔɛŋ nɛ e shin nɛ mbe benapo lar Jerusalɛm to.

1 Kronikɛls 18:10

nɛ e shuŋi mo pibinyɛn Joram fanɛ e ya chɔrɔ ewura Deevid nseŋ sa mo ansaŋ nɛ kushuŋ ŋkpal e ka kɔ m pɔɔ Hadadeza nɛ mo ere Toi kɔ mo kena alɛ damta nsaa maŋ tiŋ m pɔɔ mo so so. Asɔ nɛ b ta shuwa nɛ gbiti nɛ danyaŋ n wora nɛ Joram daŋ ta m ba kɛ ewura Deevid.

1 Kronikɛls 18:12

Ewura Deevid be enapo nɛ baa tre Abishai nɛ mo nio daa la Zuriya na e daŋ kɔ m pɔɔ Edɔmebi nɛ b daa wɔ Nfɔl be ketaŋɛ na ase nseŋ mɔ basa ŋgboŋ kuduaburwa kikɛ.

1 Kronikɛls 22:14

N wora ania n gama asɔ damta nɛ a daga fanɛ b ta m pɔr bɔrɛlambu na abar so. Ŋ kɔ shuwa nɛ amo be egbɛ sa fanɛ kilo ŋgboŋto ŋgboŋto be ŋgboŋ asa nɛ ŋgboŋ alfa ana, nɛ gbiti nɛ amo alɛ be egbɛ sa fanɛ kilo ŋgboŋto ŋgboŋto be ŋgboŋ adesa nɛ ana, nɛ fo ta n lɔŋɛ bɔrɛlambu na. Ŋ kɔ ndibi nɛ ajembu lela nɛ danyaŋ nɛ abɛlso damta nɛ maaŋ tiŋ ŋ karga amo be egbɛ gba. Ama fo alɛ gba kraŋ beeŋ tiŋ m bishi kusɔ kama nɛ fee sha n ti so.

1 Kronikɛls 26:20

Livaiebi nɛ bumo kurgepoana la Koora nɛ Mɛrari be mbunaebi na e daa keni bɔrɛlambu na to be ebuana nɛ baa yili amansherbi nɛ asɔ nɛ b kɔ a shuŋ Ebɔrɛ amo to na so.

1 Kronikɛls 29:14

Ma nɛ ma basa maŋ kɔ ekpa nɛ an ji eyur ŋkpal ŋkɛ nɛ an sa fo ere so, ŋkpal manɛ so asɔ na kikɛ chɛr a la fo peya nna.

2 Kronikɛls 5:1

Ewura Sɔlɔmɔn ka wora bɔrɛlambu na to be kushuŋ kikɛ n loge, nɛ e ta asɔ nɛ mo tuto ewura Deevid daŋ ta m bɔɔ Enyɛnpe Ebɔrɛ enɔ na n wɔtɔ bɔrɛlambu na be ebuana nɛ baa ta asɔwurbi a yili na to. Amo e la gbiti nɛ shuwa nɛ asɔ nɛ baa ta a shuŋ bɔrɛlambu na to na.

Ɛksodɔs 35:5

‘Men lara kusɔ kama be kakɛ m bar Enyɛnpe Ebɔrɛ na. Esa kama nɛ e yili kumo mbe kagbene to fanɛ e beeŋ bar Enyɛnpe Ebɔrɛ kakɛ, e bar shuwa ŋko gbiti ŋko danyaŋ

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Joshuwa 6:19

Gbiti nɛ shuwa nɛ ntishaŋ peper nɛ kusɔ kama nɛ b ta kebɛlso n wora kikɛ la Enyɛnpe Ebɔrɛ na peya nna. Men ta amo kikɛ n wɔtɔ Enyɛnpe Ebɔrɛ na be kpanjawu to.”

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.

1 Samuɛl 30:13

Ndoŋ nna nɛ Deevid bishi mo le: “Fo nyɛnpe e la wanɛ? Nnɛ nɛ fo shi?” Nɛ e yɛ: “Ijipt nɛ n shi nsaa la Amalɛk be esa ko be kenya; ama ma nchɛ asa nna na e ka yige ma n lɛ nfe ŋkpal ŋ ka bee lɔ so.

1 Samuɛl 30:20

Ama Amalɛk be basa na be mbolpɔ nɛ ana nɛ b kɔ na bre, e daŋ shin nna nɛ b barga amo n ya yili ŋ kɔr. Nɛ ekama malɛ shuli so fanɛ loŋ be asɔbɔya na e baa la Deevid peya.