1 Kronikɛls 17:9 - EBƆRƐ BE KAWƆL

^9-10 N sa ma basa Israɛlebi bumo gbagba be kakpa nɛ baaŋ chena nɛ basa lubi maaŋ naŋ mɛaŋ bumo. Baŋ yili saŋɛ nɛ b ba chena kasawule ere so nɛ saŋɛ nɛ n sa bumo bejuŋkparpo na kikɛ, basa lubi maŋ yige bumo, ama loŋ maaŋ naŋ wora kikɛ. Ŋkpal manɛ so, meeŋ pɔɔ fo doŋana so n sa fo nseŋ shin nɛ fo kaman to ebi e baa ji kuwura.

1 Kronikɛls 17:9 ပူးပေါင်းရင်းမြစ်များ

1 Kronikɛls 17:8

Kaplɛkama nɛ fo daŋ yɔ, ma nɛ fo nna. Nɛ ma alɛ bee pɔɔ fo doŋana kikɛ so a sa fo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ fo alɛ gba be ketre e dii.

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 89:22

Mo doŋana maaŋ tiŋ m pɔɔ mo so kikɛ, kumukpakpasowuraana gba beeŋ kɔ mo ŋ gben.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Aizaaya 49:17

Basa nɛ baaŋ lɔŋɛ fo egbalana m pɔr maaŋ chɛr nseŋ ba, nɛ basa nɛ b mur fo na e lar fo to n yɔ.

Aizaaya 60:18

Esa maaŋ naŋ nu nlu kikɛ be asheŋ efuli na so. Menyi be efuli na malɛ maaŋ naŋ mur kikɛ. Meeŋ baa kuŋ menyi ekpa kama so fanɛ egbal na. Saŋɛ na so menyi be basa beeŋ baa kpaŋ ma ŋkpal ŋ ka mɔlga bumo so.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Ezikɛl 28:4

Fo yɛ fo kanyiasheŋ nɛ kashennyi e shin nɛ fo dii kedama nseŋ nya shuwa nɛ gbiti m bɔlɔ ebu na.

Ezikɛl 34:13

Meeŋ lara bumo efuli pɔtɛana so m ba gama bumo abar so nseŋ shin nɛ b bɛta m ba bumo gbagba be kasawule so. Ma alɛ beeŋ baa la bumo be ekpapo nseŋ shin nɛ b nya n ji nɛnɛ ashi Israɛl be abee nɛ eboŋana ase.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Eemɔs 9:15

Meeŋ naŋ bɛta ma basa m ba kasawule nɛ n ta n sa bumo na so, nɛ bumo doŋana maaŋ naŋ tiŋ m pɔɔ bumo so kikɛ.” Ma Enyɛnpe Ebɔrɛ na e malga na.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Kelaraŋŋini 21:4

E beeŋ kpra anishichubi kikɛ ashi bumo be anishito, luwu maaŋ naa wɔtɔ, luwu so be kagbenejija nɛ kushu maaŋ naa wɔtɔ, ebesa malɛ gba maaŋ naa wɔtɔ, ŋkpal manɛ so, amo be saŋɛ nɛ sososo be asheŋ kikɛ beeŋ choŋ.”