1 Kronikɛls 17:6 - EBƆRƐ BE KAWƆL

⁶ Enite damta nɛ ma nɛ Israɛlebi nite ere kikɛ, m maŋ naŋ bishi bumo be bejuŋkparpo nɛ n tre fanɛ b baa keni ma basa so fanɛ kananɛ mbolpɔkpapo bee keni mbe mbolpɔ so na be ekama kusɔ nɛ k ba nɛ b maŋ ta ndibi nɛ baa tre sida na m pɔr bɔrɛlambu n sa ma.”

1 Kronikɛls 17:6 ပူးပေါင်းရင်းမြစ်များ

2 Samuɛl 7:7

Enite damta nɛ ma nɛ Israɛlebi ere malɛ nite ere kikɛ, m maŋ naŋ bishi bumo be bejuŋkparpo nɛ n tre fanɛ b baa keni ma basa so fanɛ kananɛ mbolpɔkpapo bee keni mbe mbolpɔ so na be ekama kusɔ nɛ k ba nɛ b maŋ ta ndibi nɛ baa tre sida na m pɔr bɔrɛlambu n sa ma.

1 Bewura 8:16

‘Yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma, ama fo Deevid nɛ n lara fanɛ fo baa juŋkpar ma basa Israɛlebi.’ ”

1 Kronikɛls 11:2

Dra na kikɛ, hale saŋɛ so nɛ Sɔɔl daa la anyi be ewura na gba, fo e juŋkpar Israɛlebi na n yɔ kena to. Enyɛnpe Ebɔrɛ na e daŋ yili kumo fanɛ, fo e naŋ ba ki anyi be ejuŋkparpo nɛ ewura a keni anyi so fanɛ kananɛ mbolpɔkpapo bee keni mbe mbolpɔ so na.”

1 Kronikɛls 17:7

Amoso ya kaŋɛ ma kayɛrbi Deevid fanɛ le nɛ ma Enyɛnpetale na kaŋɛ: “N lara fo ashi mbolpɔkpapo be kushuŋ to nna n ta fo ŋ ki ma basa Israɛlebi na be ejuŋkparpo.

Jɛremaya 23:4

Ma alɛ beeŋ lara bejuŋkparpo nɛ baŋ keni bumo so kananɛ k daga nɛ kufu maaŋ naa kɔ bumo nɛ b baa chicha kufuso. M maaŋ naŋ gberge bumo kusoe kikɛ. Bumo be ekoŋwule gba maaŋ foe bumo to. Ma, Enyɛnpe Ebɔrɛ e kaŋɛ na.”

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Ashuŋ Shunso 13:20

Asheŋ ere kikɛ daŋ fo fanɛ nfɛ alfa ana nɛ adunu. Kumo be kaman benimu ko nɛ Ebɔrɛ daa sa a sa bumo pɔɛŋ nɛ anebi Samuɛl ya ba.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ditɛronɔmi 23:14

Ŋkpal menyi nɛ Enyɛnpe menyi be Ebɔrɛ na ka wɔ keeyi na to nɛ e bee kuŋ menyi nsaa shin nɛ menyee kɔ a pɔɔ men doŋana so so, a daga fanɛ men baa keni keeyi na so nɛnɛ nɛ k baa du farfarbi nsaa walɛ so daŋkare be ekpa so. Amoso men sa maŋ kaa wora ekishisheŋ nɛ k beeŋ shin nɛ Enyɛnpe Ebɔrɛ na e pal kaman n sa menyi kikɛ.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

1 Samuɛl 12:11

Nɛ Enyɛnpe Ebɔrɛ shuŋi Gidiɔn nɛ Barak nɛ Jɛfta nɛ ma, nɛ an mɔlga menyi ashi men doŋana kutɔ nɛ men nya menyi be amu.