1 Kronikɛls 17:27 - EBƆRƐ BE KAWƆL

²⁷ Enyɛnpetale nɛfa ma kaman to ebi, saŋɛ na so feeŋ baa lara fo bewura bumo to saŋkama. Fo Enyɛnpe Ebɔrɛ na e nase kɔnɔ fanɛ fo nɛfa beeŋ baa wɔ ma kaman to ebi so hale mbaanaayɔ.”

1 Kronikɛls 17:27 ပူးပေါင်းရင်းမြစ်များ

Jɛnesis 27:33

Nɛ Aizek be eyur kikɛ chicha mo nɛ e bishi: “To, nɛ wanɛ malɛ e ya ji kekpaŋ n daŋɛ m bar ma na? M baŋ ji kumo nna pɔɛŋ nɛ fo ba na. Ma alɛ teŋ nɛfa amodoŋwura. Kashenteŋto malɛ, m maaŋ naŋ tiŋ n laŋɛ nɛfa na.”

1 Bewura 2:33

Jɔab nɛ mbe kaman to ebi beeŋ nya kasogberge mbaanaayɔ ŋkpal kusɔ nɛ e wora ere so. Ama ewura Deevid nɛ mbe kaman to ebi bre, Enyɛnpe Ebɔrɛ beeŋ shin nɛ b baa ji kuwura kayurwushiso.”

1 Bewura 2:45

Ama Enyɛnpe Ebɔrɛ beeŋ nɛfa ma nseŋ lɔŋɛ n tuto ewura Deevid be kuwurji n yili to kpakpa hale mbaanaayɔ.”

1 Kronikɛls 17:26

Enyɛnpe, fo e la Ebɔrɛ nseŋ nase le be kɔnɔ fanɛ feeŋ wora asɔ lela ere n sa ma.

1 Kronikɛls 18:1

Kede be kaman be jemanɛ ko ewura Deevid naŋ lɔŋɛ n ya kɔ Filistiebi na kena nna nseŋ pɔɔ bumo so. E daŋ kɔ n sɔ Gaf be kade nɛ ndewurbi nɛ a kulti kumo na kikɛ nna.

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nɔmbɛs 23:20

Ebɔrɛ kaŋɛ ma nna fanɛ m baa nɛfa. M maaŋ tiŋ n chɛrga kusɔ nɛ Ebɔrɛ nɛfa.

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 15:6

Enyɛnpe Ebɔrɛ na beeŋ nɛfa menyi fanɛ kananɛ e nase kɔnɔ na, nɛ efuli damtaana so ebi e paŋ menyi amansherbi, ama menyi ere maaŋ ya paŋ efuli kama so ebi amansherbi. Menyi alɛ beeŋ ji kuwura efuli damta so, ama efuli kama maaŋ ji kuwura menyi ere so.