1 Kronikɛls 17:21 - EBƆRƐ BE KAWƆL

²¹ Efuli kikɛ maŋ naa wɔ kasawule ere so fanɛ Israɛl be efuli nɛ fo lara ashi kenyaya to nseŋ shin nɛ b ki fo basa na. Mamachi be asɔ damta nɛ fo wora n sa bumo na e shin nɛ fo ketre dii durnya ere to. Fo mɔlga fo basa ashi Ijipt be kasawule so, m bar bumo nfe nseŋ ju efuli ere so ebi n shin nɛ fo basa chena bumo be nsawule so.

1 Kronikɛls 17:21 ပူးပေါင်းရင်းမြစ်များ

1 Kronikɛls 17:20

Ebɔrɛ kikɛ maŋ naa wɔtɔ fanɛ fo Enyɛnpe na. Fo nawule nɛ an nyi fo ka la Ebɔrɛ.

1 Kronikɛls 17:22

Dra dra na kikɛ nɛ fo ta Israɛlebi ŋ ki fo gbagba be basa mbaanaayɔ, nseŋ ki bumo be Ebɔrɛ.

Nehemaya 9:10

Fo daa nyi kananɛ Ijipt be ewurgboŋ Fɛɛro nɛ mbe ekrachiana nɛ efuli na kikɛ be basa daŋ kɔrfɛ fo basa. Amoso fo daŋ wora emamachisheŋ nɛ e bee keta kufu nna ŋ gbiti Ijipt be efuli so be ewura Fɛɛro nɛ mbe basa nseŋ nya ketre lela nɛ k wɔtɔ hale nɛ mbre.

Nshɛ 107:2

Basa kama nɛ Enyɛnpe Ebɔrɛ mɔlga bumo ashi bumo doŋana be enɔ to na e kpaŋ mo.

Nshɛ 111:9

Ebɔrɛ e sɔ mbe basa n yige; mo e wora mo nɛ bumo be kɔnɔkoŋwule be ŋkre mbaanaayɔ. E la esa cheembi nɛ esa gboŋgboŋi nɛ e daga bunyaŋgboŋ nna.

Nshɛ 147:20

E maŋ wora le n sa efuli pɔtɛ kama so be basa; b maŋ nyi mbe mbraana gba. Men baa kpaŋ Enyɛnpe Ebɔrɛ na!

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 77:15

Fo eleŋgboŋ na nɛ fo ta m mɔlga fo basa nɛ b la Jeekɔb nɛ Josɛf be kaman to ebi na.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Aizaaya 64:3

Jemanɛ ko daŋ fo nɛ fo wora asheŋgboŋ nɛ a bee mɔ kɔnɔ nɛ anyi daa maa fɛ fanɛ feeŋ wora amo. Abee ka wu fo nɛ kufu pɛ amo nɛ e bee chicha.

Jɛremaya 32:21

Emamachisheŋ nɛ asheŋ tumase nɛ fo wora na ta kufugboŋ nna n lɛ an doŋana so.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 4:7

Efuligboŋ ŋko kefimbi kikɛ maŋ wɔtɔ a kɔ Ebɔrɛ nɛ e mata bumo nsaa nu bumo be kekule fanɛ kananɛ Enyɛnpe, anyi be Ebɔrɛ na du n sa anyi ere kikɛ. Jemanɛ kama nɛ an kule mo kechɛto, e bee nu anyi be kekule nna.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.