1 Kronikɛls 17:16 - EBƆRƐ BE KAWƆL

¹⁶ Ndoŋ nna nɛ Ewura Deevid ya luri Enyɛnpe Ebɔrɛ be wajɛbu na to n ya chena ŋ kule Ebɔrɛ ŋ kaŋɛ le: “Ma nɛ ma kanaŋ maŋ daga kenya kusɔ nɛ fo wora n sa anyi ere.

1 Kronikɛls 17:16 ပူးပေါင်းရင်းမြစ်များ

Jɛnesis 32:10

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

2 Samuɛl 7:18

Ndoŋ nna nɛ ewura Deevid yɔ wajɛbu na to ashi Enyɛnpe Ebɔrɛ be anishito n ya kule Ebɔrɛ ŋ kaŋɛ le: “Enyɛnpetale Ebɔrɛ, kusɔ nɛ fo wora n sa ma ere maŋ daga ma nɛ ma kanaŋ to ebi kuraa.

2 Bewura 19:14

Ewura Hɛzekaya ka sɔ kawɔl na mbɔ na kutɔ ŋ kraŋ nɛ e ta kumo n yɔ bɔrɛlambu na to n ya bugi kumo to n nase Enyɛnpetale Ebɔrɛ na be anishito,

1 Kronikɛls 17:15

Kusɔ nɛ Ebɔrɛ daŋ kaŋɛ Neetan na gbagba chap nɛ e kaŋɛ ewura Deevid.

1 Kronikɛls 17:17

Kede be kaman, fo kraŋ nase kɔnɔ n sa ma kaman to ebi. Enyɛnpe Ebɔrɛ, fee keni ma a bɔlɔ kenishi fanɛ esagboŋ ko nna.

1 Kronikɛls 29:14

Ma nɛ ma basa maŋ kɔ ekpa nɛ an ji eyur ŋkpal ŋkɛ nɛ an sa fo ere so, ŋkpal manɛ so asɔ na kikɛ chɛr a la fo peya nna.

2 Kronikɛls 1:8

Nɛ ewura Sɔlɔmɔn kaŋɛ Enyɛnpe na le: “Kasha nɛ fo kɔ n sa fo kayɛrbi, n tuto Deevid maa chɛrga kikɛ. Naniere fo alɛ ta ma n tal mbe katelamu to nɛ ŋ ki ewura.

Nshɛ 144:3

O Enyɛnpe Ebɔrɛ, wanɛ e la dimɛdi, nɛ fee keni a wu mo; nɛ mbe asheŋ tir fo le ere bre?

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Demujipoana 6:15

Nɛ Gidiɔn kaŋɛ: “Enyɛnpe Ebɔrɛ, nuso nɛ ma alɛ le beeŋ tiŋ n yɔ n ya mɔlga Israɛl? Ma kabuna e maŋ kɔ eleŋ ashi Manase be yiri ebi kikɛ to. Ma alɛ e la kebibi ashi ma kanaŋ to.”

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”

1 Samuɛl 9:21

Ndoŋ nna nɛ Sɔɔl kaŋɛ mo le: “Bɛnjamin be yiri to ebi e la ma. Bumo e la yiri mo nɛ b maŋ shibi ashi Israɛl kikɛ to. Ma alɛ be laŋ to ebi nɛ b maa keni a bɔlɔ kenishi ashi anyi be yiri na to. Nɛ manɛ a ba nɛ fee malga ŋ kutɔ le?”