1 Kronikɛls 17:14 - EBƆRƐ BE KAWƆL

¹⁴ Meeŋ ta mo ŋ ki ma basa be ejuŋkparpo nɛ e baa keni ma efuli kikɛ so. Mbe mbia e naŋ ba ji kuwura a ka a sa abar so mbaanaayɔ.”

1 Kronikɛls 17:14 ပူးပေါင်းရင်းမြစ်များ

1 Kronikɛls 17:13

Meeŋ ki mo tuto, nɛ mo alɛ e baa la m pibinyɛn. M maaŋ yige kebaachɛ mo to fanɛ kananɛ n yige Ewura Sɔɔl mo nɛ n lara kuwurji to nseŋ ta fo n yuu to na.

1 Kronikɛls 17:15

Kusɔ nɛ Ebɔrɛ daŋ kaŋɛ Neetan na gbagba chap nɛ e kaŋɛ ewura Deevid.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 89:36

Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.