1 Kronikɛls 17:13 - EBƆRƐ BE KAWƆL

¹³ Meeŋ ki mo tuto, nɛ mo alɛ e baa la m pibinyɛn. M maaŋ yige kebaachɛ mo to fanɛ kananɛ n yige Ewura Sɔɔl mo nɛ n lara kuwurji to nseŋ ta fo n yuu to na.

1 Kronikɛls 17:13 ပူးပေါင်းရင်းမြစ်များ

1 Bewura 11:36

nseŋ shin nɛ kuwurji na be kaba ko e baa kraa wɔ Sɔlɔmɔn pibinyɛn na be enɔ to, saŋɛ na so ewura Deevid be kanaŋ to be esa beeŋ baa kraa ji kuwura ashi Jerusalɛm be kade nɛ n lara fanɛ b baa bunyaŋ ma na to.

1 Kronikɛls 10:14

Loŋ so nɛ Enyɛnpe Ebɔrɛ daŋ shin nɛ e wu nɛ e ta mbe kuwurji n sa Jɛsi pibinyɛn Deevid na.

1 Kronikɛls 17:12

Mo e naŋ pɔr ma bɔrɛlambu n sa ma. Ma alɛ beeŋ shin nɛ mbe kuwurji e baa wɔtɔ mbaanaayɔ.

1 Kronikɛls 17:14

Meeŋ ta mo ŋ ki ma basa be ejuŋkparpo nɛ e baa keni ma efuli kikɛ so. Mbe mbia e naŋ ba ji kuwura a ka a sa abar so mbaanaayɔ.”

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Luuk 1:32

E beeŋ ba kaa la esagboŋ nɛ b baa tre mo Ewurgboŋ Ebɔrɛ Pibinyɛn. Enyɛnpe Ebɔrɛ beeŋ shin nɛ e ji kuwura nɛ mo nana Deevid daŋ ji na.

Luuk 9:35

Ndoŋ nna nɛ ebɔl shi kuwɔlpa na to ŋ kaŋɛ: “M Pibinyɛn nɛ n lara na nde, men baa nu mbe kɔnɔ!”

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Hibruwebi 1:5

Ŋkpal manɛ so, malaika mo malɛ nɛ Ebɔrɛ daŋ kaŋɛ le: “M Pibinyɛn e la fo. Kabre ŋ ki fo Tuto”? Ŋko kede be kaman, malaika mo malɛ nɛ Ebɔrɛ daŋ kaŋɛ fanɛ: “Meeŋ baa la mo Tuto nɛ mo alɛ gba e baa la m Pibinyɛn”?

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.