1 Kronikɛls 17:1 - EBƆRƐ BE KAWƆL

¹ Ewura Deevid ka ya kaa wɔ mbe kuwura laŋ popɔr na to nɛ e tre anebi Neetan ŋ kaŋɛ mo le: “Keni! Ndibi nɛ baa tre sida na nɛ b ta m pɔr ewura be laŋ nɛ n wɔtɔ ere, ama Enyɛnpe Ebɔrɛ be ŋkre be deka na bre wɔ wajɛbu to nna!”

1 Kronikɛls 17:1 ပူးပေါင်းရင်းမြစ်များ

2 Samuɛl 12:1

Ebɔrɛ e daŋ shuŋi anebi Neetan Deevid kutɔ nɛ e ya kaŋɛ mo le: “Basa anyɔ ko e daa wɔ kade koŋwule ko to. Eko daa la damawura nna nɛ eko malɛ la etirpo.

2 Samuɛl 12:25

Ŋkpal Enyɛnpe Ebɔrɛ ka bee sha Sɔlɔmɔn ga so, e daŋ shin nna nɛ anebi Neetan ya nase mo ketre Jedidaya. Kumo be kifito e la fanɛ Ebɔrɛ bee sha mo.

2 Samuɛl 6:17

Ndoŋ nna nɛ b ta deka na m ba yili wajɛbu nɛ Deevid lɔŋɛ na to. Nɛ e ta asɔbɔya n lara sarga nseŋ chɔɔ amo bɔrɛsure na so n sa Enyɛnpe Ebɔrɛ.

1 Bewura 1:23

Nɛ esa ko ya kaŋɛ ewura Deevid fanɛ anebi Neetan ba. Ndoŋ nna nɛ Neetan yɔ ewura na kutɔ n ya jɔŋɛ m bunyaŋ mo.

1 Bewura 1:44

E shuŋi bɔrɛmatapo Zadɔk nɛ anebi Neetan nɛ Bɛnaya nɛ basa nɛ baa kuŋ mo na nna nɛ b ya ta mo n chena ewura be kurma so m ba,

1 Bewura 1:8

Ama bɔrɛmatapo Zadɔk nɛ Jehowada pibinyɛn Bɛnaya nɛ anebi Neetan nɛ Shimei nɛ Rei nɛ enapo nɛ e bee kuŋ ewura Deevid na bre daa maŋ bɛ kusɔ nɛ Adonija kaŋɛ na so.

1 Bewura 8:17

Kumo be kaman nɛ ewura Sɔlɔmɔn kaŋɛ le: “N tuto ewura Deevid e daŋ yili kumo fanɛ e beeŋ pɔr bɔrɛlambu nɛ b baa bunyaŋ Enyɛnpe Israɛl be Ebɔrɛ na ndoŋ,

1 Kronikɛls 14:1

Tai be ewura Hiram daŋ shuŋi mbɔ ewura Deevid kutɔ nna. E daŋ shuŋi ekapɛnta nɛ basa nɛ baa ta ajembu a pɔr nna nseŋ ta ndibi nɛ baa tre sida na n ti so fanɛ b ya pɔr ewura be laŋ n sa Deevid.

1 Kronikɛls 15:1

Ewura Deevid daŋ pɔr nwu damta nna ashi Jerusalɛm nseŋ shin nɛ b yuu wajɛbu nɛ b ta ŋkre be deka na bre n yili ndoŋ.

1 Kronikɛls 16:1

B daŋ ta ŋkre be deka na nna n ya yili wajɛbu nɛ Deevid yuu ŋkpal kumo so na to, nseŋ lara esarga chɔɔso nɛ kɔnɔkoŋwuleso be esarga n sa Ebɔrɛ.

1 Kronikɛls 17:2

Nɛ Neetan shuli so ŋ kaŋɛ le: “Wora kusɔ kama nɛ fee fɛ fanɛ feeŋ wora, ŋkpal manɛ so Enyɛnpe Ebɔrɛ na wɔ fo kutɔ.”

1 Kronikɛls 17:5

Yili jemanɛ so nɛ n lara Israɛlebi ashi Ijipt be efuli so dra dra na m ba fo kabre, m maŋ naŋ chena bɔrɛlambu to kikɛ. Kaplɛkama nɛ n yɔ malɛ, wajɛbu to nɛ mee luri.

1 Kronikɛls 22:6

Ndoŋ nna nɛ ewura Deevid shuŋi n tre mo pibinyɛn Sɔlɔmɔn ŋ kaŋɛ mo fanɛ e pɔr bɔrɛlambu n sa Enyɛnpe, Israɛl be Ebɔrɛ na.

1 Kronikɛls 22:7

Le nɛ Deevid kaŋɛ mo: “M pibinyɛn, n daa sha fanɛ m pɔr bɔrɛlambu nna m maŋkura Enyɛnpe Ebɔrɛ na.

1 Kronikɛls 28:2

Ewura Deevid daŋ niŋito nna n yili bumo be anishito nseŋ kaŋɛ bumo le: “Ma basa, men nu nfe. N daa sha kepɔr bɔrɛlambu nɛ ŋkre be deka na beeŋ baa wɔtɔ ndoŋ nna mbaanaayɔ, saŋɛ na so anyeeŋ baa yɔ ndoŋ n ya ka bunyaŋ Enyɛnpe Ebɔrɛ na. N wora asɔ kama nɛ a daga fanɛ an ta m pɔr loŋ be bɔrɛlambu na be shiriya

1 Kronikɛls 29:29

Kusɔ kama nɛ Deevid wora saŋɛ so nɛ e daa la ewura na be asheŋ kikɛ daa wɔ anebi Samuɛl nɛ Neetan nɛ Gad be nwɔl to.

2 Kronikɛls 1:4

Loŋ be saŋɛ na nɛ b ta Enyɛnpe Ebɔrɛ be ŋkre be deka na ashi Kiriaf Jearim m ba yili wajɛbu nɛ ewura Deevid wora ashi Jerusalɛm na to.

Nshɛ 132:5

n ya fo saŋɛ nɛ meeŋ nya ekpa m pɔr bɔrɛlambu n sa Enyɛnpetale Ebɔrɛ nɛ e la Jeekɔb be Ebɔrɛ na.”

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Jɛremaya 22:15

Fo keta sida be ndibi damta m pɔr fo ewurkpa maa shin nɛ fee ki ewura lela a chɔ fo tuto Josaya. Mo ere daa wora asheŋ niŋiso nna. Kumo e la fanɛ e daa ji asheŋ nɛ amo be ekpa so nna a sa betirpo nseŋ daa la kashenteŋjipo. Kusɔ nɛ k bee ŋini fanɛ esa nyi ma kashenteŋto nna na. Amoso nɛ kebaawɔtɔ daŋ nyalɛ n sa fo tuto, nɛ e daa nya a ji nsaa nuu yila yila so nna na.

Danɛl 4:4

Ma, Nebukadneeza wɔ ma kuwurlaŋ to nna a kɔ asɔ damta nsaa ji ma eyur.

Heegai 1:4

E yɛ: “Ma basa, manɛ nna nɛ menyi ere wɔ nwu lela to nɛ ma ere be bɔrɛlambu bure a dese?

Heegai 1:9

Men daa tama keteŋi asɔ damta nna, ama asɔ gbrɛbi nɛ men nya n teŋi. Menyi alɛ ka naŋ bar asɔ nɛ men teŋi na epe, nɛ n shin nɛ afu ba ber amo n yɔ. Manɛ so nɛ n wora loŋ? Ŋkpal ma bɔrɛlambu ka bure a dese nɛ men pere kenishi a pɔr menyi be nwuana so.

Ashuŋ Shunso 7:46

Mbe asheŋ daŋ bɔlɔ Ebɔrɛ kenishi ga nɛ e kule Ebɔrɛ fanɛ e shin nɛ e pɔr ebu n sa mo ere, Jeekɔb be Ebɔrɛ na.