1 Kronikɛls 16:41 - EBƆRƐ BE KAWƆL

⁴¹ Heman nɛ Jedutum e daa la bumo be bechɛtopo, n ta bumo nɛ b daŋ lara fanɛ b baa boŋ nshɛ a maŋkura Enyɛnpe Ebɔrɛ ŋkpal mbe kasha ka maŋ kɔ ekarso na n ti so.

1 Kronikɛls 16:41 ပူးပေါင်းရင်းမြစ်များ

1 Kronikɛls 15:17

Beshɛbompo nɛ b daa laŋ danyaŋ be echakachaka e daa la Jowɛl pibinyɛn Heman, nɛ mo kurgepo Asaf nɛ e la Berekia pibinyɛn na, nɛ Kushiya pibinyɛn Etan nɛ e shi Mɛrari be kabuna na. Basa nɛ b daa chɛ bumo to a laŋ ejaŋjilaŋ wurbi e daa la Zakareya nɛ Jaziɛl nɛ Shemiramɔf nɛ Jehiɛl nɛ Yuni nɛ Eliab nɛ Maseya nɛ Bɛnaya. Bumo nɛ bumo alɛ daa laŋ ejaŋjilaŋ gboŋgboŋi na e daa la, Matitiya nɛ Elifilehu nɛ Mikneya nɛ Azaziya n ta Obɛd Edɔm nɛ Jeɛl nɛ b la bɔrɛlambu na to be mbuna be bekenipo na n ti so.

1 Kronikɛls 16:34

Men ta kechɔrɔ n sa Enyɛnpe Ebɔrɛ ŋkpal manɛ so, e walɛ, nɛ mbe kasha malɛ wɔtɔ mbaanaayɔ.

1 Kronikɛls 16:37

Ewura Deevid daŋ lara Asaf nɛ Livaiebi nɛ b la kabuna koŋwule ebi na nna fanɛ b baa keni kakpa nɛ ŋkre be deka na yil na be kushuŋ so karechɛ kikɛ.

1 Kronikɛls 6:33

Le nɛ basa nɛ baa boŋ nshɛ na be kaman to ebi lar. Kohaf be kabuna be basa nɛ b daa la beshɛbompo na nde. Hɛman e daa la beshɛbompo be katuŋ juŋkparso na be ejuŋkparpo. Jeekɔb be kaman to ebi e daa la mo. Mo tuto e daa la Jowɛl nɛ Jowɛl malɛ mo tuto daa la Samuɛl,

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

2 Kronikɛls 7:3

Israɛlebi na kikɛ ka wu edɛ na ka shi esoso m ba sɔ bɔrɛlambu na kikɛ to na, nɛ b gbir m bunyaŋ Ebɔrɛ a di mo epaŋ ŋkpal mbe kelela nɛ mbe kasha nɛ k wɔtɔ mbaanaayɔ so.

Ɛzra 3:11

Le be kapandi be kashɛ nɛ b daa boŋ a fur Enyɛnpe Ebɔrɛ na: “Enyɛnpe Ebɔrɛ na walɛ; Kasha nɛ e kɔ n sa Israɛl na maŋ kɔ ekar.” Ndoŋ nna nɛ basa na kikɛ fara a kpaŋ Enyɛnpe Ebɔrɛ na awɔrso, ŋkpal b ka tɔl mbe lambu na be gbaltɔlase so.

Ɛzra 8:20

Kumo be kaman, b daŋ naŋ shin nɛ basa nɛ ewura Deevid nɛ mbe benimu daŋ yili kumo fanɛ b baa chɛ Livaiebi na to na to be basa alfa anyɔ nɛ adunyɔ ba nɛ b baa ka chɛ to a shuŋ bɔrɛlambu na to.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 106:1

Men kpaŋ Enyɛnpe Ebɔrɛ na! Men ta kechɔrɔ n sa Enyɛnpe Ebɔrɛ, ŋkpal manɛ so, e walɛ nna nɛ mbe kasha malɛ maa chɛrga hale mbaanaayɔ.

Nshɛ 136:1

Men baa di Enyɛnpe Ebɔrɛ epaŋ ŋkpal e ka la esa lela so; mbe kasha nɛ k maa chɛrga na malɛ maa wora shɛŋ a gben.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 77:1

N shu n tre Ebɔrɛ nna a fin kechɛto. Ŋ ka shu n tre mo, nɛ e nu ma kushu na.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Ezikɛl 40:44

Ndoŋ nna nɛ kanyɛn na naŋ keta ma n luri epunto be kelɔnɛ na to nɛ n ya wu ebu anyɔ ko nɛ amo be mbuna daa bugi a yɔ epunto be kelɔnɛ na so. Kuko daa wɔ kabunagboŋ nɛ k wɔ kelargato be esoso be kaba so na ase nseŋ kilgi n shoŋi kelargato be kaseto be kaba so nna, nɛ kenyɔsopo malɛ wɔ kabunagboŋ nɛ k wɔ kelargato be kaseto be kaba so na ase nseŋ kilgi n shoŋi kelargato be esoso be kaba so.

Nɔmbɛs 1:17

Kufɔl nyɔsopo na be kachɛ juŋkparso nɛ le be bejuŋkparpo kudu anyɔ ere chɛ Mosis nɛ Ɛɛrɔn to

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.