1 Kronikɛls 16:35 - EBƆRƐ BE KAWƆL

³⁵ Men kaŋɛ mo le: “Anyi be Ebɔrɛ nɛ anyi be emɔlgapo, mɔlga anyi. Gbegbar anyi abar so nseŋ mɔlga anyi ashi efuli pɔtɛ ana be enɔ to, saŋɛ na so anyeeŋ ta kechɔrɔ n sa fo, nseŋ di fo ketre cheembi ere epaŋ.”

1 Kronikɛls 16:35 ပူးပေါင်းရင်းမြစ်များ

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 14:7

Israɛl be kumɔlga beeŋ shi Zayɔn nna. Enyɛnpe Ebɔrɛ na e naŋ shin nɛ asheŋ e naa nite nɛnɛ n sa bumo; nɛ Israɛlebi be ŋgbene e fuli bumo ga.

Nshɛ 44:8

Fo anyi be Ebɔrɛ na so nɛ anyee ji njɔŋ nsaa fur fo ketre saŋkama.

Nshɛ 53:6

Mee jo saŋɛ nɛ esa ko beeŋ shi Zayɔn m ba mɔlga Israɛl nna. Anyi be Ebɔrɛ, fo baŋ naŋ nɛfa fo basa, Jeekɔb be kanaŋ to ebi be ŋgbene beeŋ fuli bumo, nɛ Israɛlebi e ji eyur.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Ashuŋ Shunso 26:17

Meeŋ mɔlga fo ashi Israɛl be basa nɛ nnyamase nɛ meeŋ shin nɛ fo yɔ bumo kutɔ ere kutɔ.

1 Kɔrintebi 1:31

Loŋ malɛ nɛ abɔrɛsibɛ na kaŋɛ na fanɛ: “Esa kama nɛ e bee sha kepuchi, e baa puchi Enyɛnpe na so.”

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.