1 Kronikɛls 16:31 - EBƆRƐ BE KAWƆL

³¹ Esoso nɛ kasawule so ebi, men shin nɛ men be ŋgbene e baa fuli! Men kaŋɛ efuliana na fanɛ Enyɛnpe Ebɔrɛ na e la ewura.

1 Kronikɛls 16:31 ပူးပေါင်းရင်းမြစ်များ

1 Kronikɛls 16:30

Esa kama nɛ e wɔ durnya ere to beeŋ chicha ashi mbe anishito! Durnya na yil kiŋkiŋ nna nsaa maa gbuŋgbuŋ.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 19:1

Esoso bee di Ebɔrɛ be kemankura efuli nna, nɛ awɔlpa malɛ bee ŋini mbe asɔ toso.

Nshɛ 47:8

Ebɔrɛ tase mbe kuwurputi cheembi so nna a ji durnya kikɛ so kuwura.

Nshɛ 89:5

O Enyɛnpe Ebɔrɛ, shin nɛ asɔ nɛ a wɔ ebɔrɛso e baa kpaŋ fo emamachisheŋ, nseŋ shin nɛ fo emalaika e baa kpaŋ fo kashenteŋji.

Nshɛ 96:10

Men kaŋɛ efuliana na so ebi le: “Enyɛnpe Ebɔrɛ na e la Ewura! Mo e tɔl durnya na n yili dindiŋ nɛ k maa fifir; mo alɛ e naaŋ ji basa kikɛ demu nɛ e maŋ puni eko.”

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Nshɛ 98:4

Durnya to be basa kikɛ e boŋ nshɛ kagbenefuliso ŋ kpaŋ Enyɛnpe Ebɔrɛ na.

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Luuk 2:10

Nɛ malaika na kaŋɛ bumo: “Men sa maa lɔ kufu, ŋkpal manɛ so, baru lela nɛ k beeŋ sa basa kikɛ kagbenefuli nɛ m bar menyi.

Kelaraŋŋini 19:6

Mmalga ere be kaman nɛ n nu kusɔ ko ka gbri fanɛ jimaŋ damta ka wora awɔr na. Awɔr na daŋ naa gbri fanɛ nchu damta ka bee shile nna nseŋ daŋ naa gbri fanɛ bɔrɛ ka bee ponte to a boŋ to a kaŋɛ le: “Halleluya. Ŋkpal manɛ so, an Nyɛnpetale Enyɛnpe Ebɔrɛ na e wɔ kuwura a ji.