1 Kronikɛls 16:18 - EBƆRƐ BE KAWƆL

¹⁸ E yɛ: “Meeŋ ta Keenan be kasawule na n sa menyi, nɛ k baa la menyi be kapetɛ.”

1 Kronikɛls 16:18 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

1 Kronikɛls 16:19

Kumo be jemanɛ na nɛ Ebɔrɛ be basa daa maŋ shi, nseŋ daa la befɔ ashi Keenan be kasawule so.

Maika 2:5

Amoso menyi maaŋ naa kɔ kachige ashi Enyɛnpe Ebɔrɛ na be basa to ŋkpal manɛ so, esa kikɛ maaŋ baa wɔtɔ nɛ e yili menyi be katelamu to n sɔ kachige na.”

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.