1 Kronikɛls 15:3 - EBƆRƐ BE KAWƆL

³ Kumo be kaman nɛ Deevid tre Israɛlebi na kikɛ m ba Jerusalɛm, nɛ b ya ta ŋkre be deka na m ba wajɛbu nɛ e yuu ŋkpal kumo so na to.

1 Kronikɛls 15:3 ပူးပေါင်းရင်းမြစ်များ

2 Samuɛl 6:12

Ewura Deevid ka nu fanɛ ŋkpal ŋkre be deka na ka wɔ Obɛd Edɔm be laŋ to so, nɛ mo nɛ mbe kanaŋ kikɛ nya nɛfa na nɛ e lara kumo laŋ na to n yɔ Jerusalɛm nɛ kagbenefuli.

2 Samuɛl 6:17

Ndoŋ nna nɛ b ta deka na m ba yili wajɛbu nɛ Deevid lɔŋɛ na to. Nɛ e ta asɔbɔya n lara sarga nseŋ chɔɔ amo bɔrɛsure na so n sa Enyɛnpe Ebɔrɛ.

1 Bewura 8:1

B ka pɔr bɔrɛlambu na n loge be kaman nɛ Ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana be benimuana kikɛ fanɛ b ba shɛr Jerusalɛm n ta Enyɛnpe Ebɔrɛ be ŋkre be deka na ashi Zayɔn nɛ k la Deevid be kade to na n yɔ bɔrɛlambu na to.

1 Kronikɛls 13:2

Kumo be kaman nɛ e kaŋɛ Israɛlebi na kikɛ le: “Nɛ kepar menyi nsaa la Enyɛnpe Ebɔrɛ gba be kepar, kumo ere men shin nɛ an shuŋi mbɔ anyi be basa nɛ b ka na nɛ bɔrɛmatapoana na nɛ Livaiebi nɛ b wɔ bumo be nde to na kutɔ ŋ kaŋɛ bumo nɛ b ba anyi kutɔ nfe.

1 Kronikɛls 13:5

Ndoŋ nna nɛ ewura Deevid tre Israɛl be basa ashi efuli na so kikɛ, yili lɔr nɛ baa tre Shihɔ nɛ k wɔ Ijipt be kasawule so na n ya fo Lebo Hamaf ashi kelargato be esoso be kaba so nɛ b ya ta ŋkre be deka na ashi Kiriaf Jearim m ba Jerusalɛm.

1 Kronikɛls 15:1

Ewura Deevid daŋ pɔr nwu damta nna ashi Jerusalɛm nseŋ shin nɛ b yuu wajɛbu nɛ b ta ŋkre be deka na bre n yili ndoŋ.

1 Kronikɛls 15:12

Le nɛ e daŋ kaŋɛ Livaiebi na: “Menyi e la Livaiebi na be kabuna be bejuŋkparpoana. Amoso menyi nɛ men braana Livaiebi na e lara alubi ashi menyi be ŋgbene to nseŋ ki cheembi, saŋɛ na so menyeeŋ tiŋ n ta Enyɛnpe Israɛl be Ebɔrɛ na be ŋkre be deka na n yɔ kakpa nɛ n lɔŋɛ fanɛ b ta kumo m ba yili na.

1 Kronikɛls 16:1

B daŋ ta ŋkre be deka na nna n ya yili wajɛbu nɛ Deevid yuu ŋkpal kumo so na to, nseŋ lara esarga chɔɔso nɛ kɔnɔkoŋwuleso be esarga n sa Ebɔrɛ.

2 Kronikɛls 1:2

Kachako nɛ ewura Sɔlɔmɔn kaŋɛ mbe benapo be benimuana nɛ b daa keni benapo kagboŋ be katuŋ so nɛ benapo kalfa be katuŋ so nɛ ekrachi nimuso nɛ kanaŋ to be benimuana nɛ basa nɛ b ka na kikɛ nna kenishipereso

2 Kronikɛls 1:4

Loŋ be saŋɛ na nɛ b ta Enyɛnpe Ebɔrɛ be ŋkre be deka na ashi Kiriaf Jearim m ba yili wajɛbu nɛ ewura Deevid wora ashi Jerusalɛm na to.

2 Kronikɛls 5:2

Kumo be kaman nɛ ewura Sɔlɔmɔn shuŋi n tre bejuŋkparpoana na kikɛ nɛ Israɛl be eyiriana nɛ mbuna mbunaana kikɛ fanɛ b ba shɛr Jerusalɛm to, saŋɛ na so baaŋ lara Enyɛnpe Ebɔrɛ be ŋkre be deka ashi Zayɔn nɛ k la Deevid be kade to na n yɔ bɔrɛlambu na to.

Ɛksodɔs 40:20

Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Levitikɔs 9:5

Ndoŋ nna nɛ b bar asɔ nɛ Mosis kaŋɛ fanɛ b bar na kikɛ ashi wajɛbu na be anishito nɛ basa na kikɛ shɛr ndoŋ nɛ b bunyaŋ Enyɛnpe Ebɔrɛ na.