1 Kronikɛls 15:29 - EBƆRƐ BE KAWƆL

²⁹ B ka ta ŋkre be deka na a luri kade na to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

1 Kronikɛls 15:29 ပူးပေါင်းရင်းမြစ်များ

2 Samuɛl 6:16

B ka ta ŋkre be deka na a luri kade to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

1 Kronikɛls 15:28

B ka ta ŋkre be deka na a ba na, Israɛlebi na kikɛ daa boŋ nshɛ kagbenefuliso nna nsaa foŋ mbel a laŋ echakachaka nɛ ejaŋjilaŋ hale m ba luri Jerusalɛm to.

1 Kronikɛls 17:1

Ewura Deevid ka ya kaa wɔ mbe kuwura laŋ popɔr na to nɛ e tre anebi Neetan ŋ kaŋɛ mo le: “Keni! Ndibi nɛ baa tre sida na nɛ b ta m pɔr ewura be laŋ nɛ n wɔtɔ ere, ama Enyɛnpe Ebɔrɛ be ŋkre be deka na bre wɔ wajɛbu to nna!”

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 150:4

Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Kaŋinichiŋgeliŋ 3:4

Mo e yili kagbenejija nɛ kagbenefuli be saŋɛ, nseŋ yili kushu keli nɛ keji eyur be saŋɛ.

Jɛremaya 3:16

Saŋɛ na so nɛ men kaŋ wora keshi kasawule na so, basa maaŋ naa malga ma kɔnɔkoŋwule be ŋkre be deka na be asheŋ. B maaŋ naa fɛ ŋko a nyiŋi kumo be asheŋ gba. Ŋkpal manɛ so, kumo be asheŋ maaŋ naa tir bumo. Bumo alɛ maŋ naŋ lɔŋɛ kepopɔr m pɔr n tal kedra na to.

Jɛremaya 30:19

Basa nɛ baaŋ baa wɔ ndoŋ na beeŋ boŋ kapandi be nshɛ; nseŋ wora awɔr kagbenefuliso Meeŋ nɛfa bumo n shin nɛ b salga n wora keshi, nɛ efuli pɔtɛana so be basa e kemaŋkura bumo.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Nɔmbɛs 10:33

Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.

Ashuŋ Shunso 2:13

Nɛ basa na be beko wora beyirdapoana na eyurto ŋ kaŋɛ: “Basa ere boo nna na.”

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

2 Kɔrintebi 5:13

Ŋkpal manɛ so, nɛ an baa maa kɔ nfɛra, keshuŋ Ebɔrɛ so nɛ anyi maŋ kɔ nfɛra, nɛ anyi alɛ naa kɔ anyi be nfɛra kleembi, menyi so nɛ an kɔ amo.

Ditɛronɔmi 31:26

“Men sɔ Ebɔrɛ be mbra be kawɔl ere n nase m mata Enyɛnpe menyi be Ebɔrɛ na be kɔnɔkoŋwule be ŋkre be deka na. K beeŋ baa wɔtɔ ndoŋ a ji shɛda fanɛ men nyi kusɔ nɛ Enyɛnpe Ebɔrɛ na bee sha fanɛ men baa wora.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Joshuwa 4:7

nɛ men kaŋɛ bumo fanɛ Enyɛnpe be ŋkre be deka na ka daŋ bɔla Jɔɔdan be lɔr na to na nɛ k ku to anyɔ. Ajembu ere e la shɛda a nyiŋi anyi kusɔ nɛ k wora nfe ere mbaanaayɔ.”

Demujipoana 20:27

Ebɔrɛ be kɔnɔkoŋwule be ŋkre be deka na daa wɔ Bɛtɛl nna nɛ Ɛɛrɔn mo nanabi nɛ baa tre Finihas nɛ mo tuto la Eliaza na daa keni kumo so ndoŋ.

1 Samuɛl 25:44

Loŋ be saŋɛ na so nɛ Sɔɔl teŋ sɔ mo pibiche Mikaal nɛ e daa la Deevid be eche na n sa kanyɛn nɛ baa tre Laash nɛ e shi Galiim be kade to na pibinyɛn nɛ baa tre Paalti na.

1 Samuɛl 4:3

Israɛl be benapo nɛ b ka na ka bɛta n yɔ bumo be keeyi to na, nɛ bumo be benimu na kaŋɛ le: “Manɛ nna nɛ Enyɛnpe Ebɔrɛ shin nɛ Filistiebi ere kɔ m pɔɔ anyi so kabre loŋ? Men shin nɛ an ya ta Enyɛnpe Ebɔrɛ be ŋkre be deka nɛ k wɔ Shilo na m ba, saŋɛ na so Ebɔrɛ beeŋ bɛ anyi so n ya mɔlga anyi ashi anyi doŋana kutɔ.”