1 Kronikɛls 15:28 - EBƆRƐ BE KAWƆL

²⁸ B ka ta ŋkre be deka na a ba na, Israɛlebi na kikɛ daa boŋ nshɛ kagbenefuliso nna nsaa foŋ mbel a laŋ echakachaka nɛ ejaŋjilaŋ hale m ba luri Jerusalɛm to.

1 Kronikɛls 15:28 ပူးပေါင်းရင်းမြစ်များ

2 Samuɛl 6:15

Ndoŋ nna nɛ mo nɛ Israɛlebi na kikɛ ta ŋkre be deka na, a foŋ mbel a cha awɔr kagbenefuliso a yɔ Jerusalɛm.

2 Samuɛl 6:5

Deevid nɛ Israɛlebi na kikɛ daŋ ta bumo be eleŋ kikɛ nna a boŋ nshɛ a cha a maŋkura Enyɛnpe Ebɔrɛ na. B daa laŋ ejaŋjilaŋ nɛ egoji nɛ ŋkure nɛ echakachaka nɛ ayawa nna.

1 Kronikɛls 13:8

Nɛ Deevid nɛ Israɛlebi na ta bumo be eleŋ kikɛ a cha nsaa boŋ nshɛ a maŋkura Enyɛnpe Ebɔrɛ. B daa laŋ ejaŋjilaŋ nɛ ŋkure nɛ echakachaka nna nsaa foŋ mbel.

1 Kronikɛls 15:16

Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 15:27

Deevid nɛ beshɛbompo be enimu Chɛnanaya nɛ Livaiebi nɛ b daŋ sulɔ ŋkre be deka na daŋ buu ago be kechɛbi lela be epiŋi nna. Ewura Deevid bre daŋ buu kabɔrɛmata be piŋi nɛ baa tre ɛfɔd na nna n daŋi mbe piŋi so.

1 Kronikɛls 15:29

B ka ta ŋkre be deka na a luri kade na to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

1 Kronikɛls 25:1

Ewura Deevid nɛ Livaiebi be bejuŋkparpoana daŋ lara Asaf nɛ Heman nɛ Jedutum nna fanɛ b baa la bɔrɛlambu to be beshɛbompo. Bumo e naŋ baa laŋ ejaŋjilaŋ nɛ echakachaka nɛ egoji a maŋkura Ebɔrɛ nsaa juŋkpar basa a bunyaŋ Ebɔrɛ. Basa nɛ b lara fanɛ b baa juŋkpar basa a bunyaŋ Ebɔrɛ na be atre nde.

Nehemaya 12:27

Jemanɛ nɛ b daa ta Jerusalɛm be egbal nɛ b lɔŋɛ m pɔr na a bɔɔ Ebɔrɛ enɔ na, b daŋ kela n tre Livaiebi nɛ b wɔ Juda be efuli kikɛ so nna nɛ b ba ta alaŋsɔ be yiri yiri m boŋ kapandi be nshɛ m maŋkura Ebɔrɛ.

Nshɛ 47:6

Men boŋ nshɛ n di an be ewura Ebɔrɛ epaŋ.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.