1 Kronikɛls 15:2 - EBƆRƐ BE KAWƆL

² Kumo be kaman nɛ Deevid kaŋɛ le: “Livaiebi na nawule a daga fanɛ b baa sulɔ ŋkre be deka na ŋkpal manɛ so bumo nɛ Enyɛnpe Ebɔrɛ lara fanɛ b baa sulɔ kumo nsaa shuŋ mo mbaanaayɔ.”

1 Kronikɛls 15:2 ပူးပေါင်းရင်းမြစ်များ

2 Samuɛl 6:13

Basa nɛ b sulɔ deka na ka teŋi ateŋgreŋ ashe, nɛ e shin nɛ b yili; ndoŋ nna nɛ e lara gbolu nɛ kena fɔlbi duliduli ko n lara sarga n sa Ebɔrɛ.

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Ɛksodɔs 25:14

Kumo be kaman nɛ b ta ndibi nɛ b shɛl na n yishi n wɔtɔ mpinibi nɛ a wɔ deka na be akel to na to a pɛ amo a maŋ kumo so.

Aizaaya 66:21

Ma, Enyɛnpe Ebɔrɛ na beeŋ lara bumo be beko nɛ b baa la bɔrɛmatapoana nɛ beko malɛ e baa la bechɛtopo ashi ma bɔrɛlambu to.

Nɔmbɛs 3:6

“Lara Livai be yiri na nɛ b baa chɛ bɔrɛmatapo Ɛɛrɔn nɛ mbe mbia to a shuŋ kabɔrɛmata be kushuŋ.

Nɔmbɛs 3:9

Bumo koŋwule na malɛ e naaŋ baa chɛ Ɛɛrɔn nɛ mbe mbinyɛnsobi to a shuŋ nshɛr be wajɛbu na to.

Nɔmbɛs 7:9

Ama Mosis daa maŋ sa Kohafebi na bre asɔ na be kekama, ŋkpal manɛ so, abatimu so e daga fanɛ bumo ere e baa sulɔ asɔ cheembi nɛ baa keni so na.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 3:3

“Men baŋ wu bɔrɛmatapoana nɛ b shi Livai be kanaŋ to na ka sulɔ Enyɛnpe Ebɔrɛ be ŋkre be deka na, men lar men be keeyi to m bɛ kumo so.

Joshuwa 6:6

Nɛ Nun pibi Joshuwa tre bɔrɛmatapoana na ŋ kaŋɛ bumo le: “Men ta Enyɛnpe Ebɔrɛ be ŋkre be deka na nɛ menyi to be beshunu malɛ e ta bumo be mbel n juŋkpar kumo.”