1 Kronikɛls 15:16 - EBƆRƐ BE KAWƆL

¹⁶ Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 15:16 ပူးပေါင်းရင်းမြစ်များ

1 Kronikɛls 13:8

Nɛ Deevid nɛ Israɛlebi na ta bumo be eleŋ kikɛ a cha nsaa boŋ nshɛ a maŋkura Enyɛnpe Ebɔrɛ. B daa laŋ ejaŋjilaŋ nɛ ŋkure nɛ echakachaka nna nsaa foŋ mbel.

1 Kronikɛls 15:12

Le nɛ e daŋ kaŋɛ Livaiebi na: “Menyi e la Livaiebi na be kabuna be bejuŋkparpoana. Amoso menyi nɛ men braana Livaiebi na e lara alubi ashi menyi be ŋgbene to nseŋ ki cheembi, saŋɛ na so menyeeŋ tiŋ n ta Enyɛnpe Israɛl be Ebɔrɛ na be ŋkre be deka na n yɔ kakpa nɛ n lɔŋɛ fanɛ b ta kumo m ba yili na.

1 Kronikɛls 16:42

Heman nɛ Jedutum malɛ gba e daŋ naa foŋ mbel nsaa laŋ echakachaka nɛ alaŋsɔ nɛ baa laŋ nsaa boŋ nshɛ a di Ebɔrɛ epaŋ jemanɛ kikɛ. Basa nɛ b shi Jedutum be kabuna na e daa keni bumo be mbunaana so.

1 Kronikɛls 16:5

Asaf e daa la bumo be ejuŋkparpo nɛ Zakareya bɛso. Jeɛl nɛ Shemiramɔf nɛ Jehiɛl nɛ Matitiya nɛ Eliab nɛ Benaya nɛ Obɛd Edɔm nɛ Jeɛl e daa laŋ ejaŋjilaŋ. Asaf malɛ e daa laŋ echakachaka

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

1 Kronikɛls 6:16

Livai daa kɔ mbinyɛnsobi asa nna. Bumo e la Gɛshɔn nɛ Kohaf nɛ Mɛrari.

2 Kronikɛls 20:19

Livaiebi nɛ b shi Kohaf nɛ Koora be kabuna na be beko daŋ koso n yili nna a cha awɔr a maŋkura Enyɛnpe nɛ e la Israɛl be Ebɔrɛ na.

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

2 Kronikɛls 7:6

Israɛlebi na kikɛ daŋ niŋi to a yil nna. Bɔrɛmatapoana na daa yil kakpa nɛ b sa bumo na nna. Nɛ Livaiebi na malɛ yili ŋ kilgi anishito n shoŋi bumo nsaa laŋ alaŋsɔ nɛ ewura Deevid sa bumo na a maŋkura Enyɛnpe Ebɔrɛ a boŋ nshɛ a kaŋɛ: “Mbe kasha wɔtɔ nna mbaanaayɔ!” Bɔrɛmatapoana na malɛ daa foŋ mbel nna.

Nehemaya 12:27

Jemanɛ nɛ b daa ta Jerusalɛm be egbal nɛ b lɔŋɛ m pɔr na a bɔɔ Ebɔrɛ enɔ na, b daŋ kela n tre Livaiebi nɛ b wɔ Juda be efuli kikɛ so nna nɛ b ba ta alaŋsɔ be yiri yiri m boŋ kapandi be nshɛ m maŋkura Ebɔrɛ.

Nehemaya 12:36

nɛ Shamaya nɛ Azarɛl nɛ Mikalai nɛ Gilalai nɛ Maai nɛ Netanɛl nɛ Juda nɛ Hanani kikɛ keta alaŋsɔ a laŋ a bɛ Ɛzra nɛ e la mbra ŋinipo na so. Alaŋsɔ na barkasa nɛ Ebɔrɛ be kenya ewura Deevid daŋ laŋ dra dra na.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Nehemaya 12:46

Dra na kikɛ ashi ewura Deevid nɛ Asaf be jemanɛ to, beshɛbompo na e naa juŋkparpo basa na a boŋ nshɛ a di Ebɔrɛ epaŋ.

Nshɛ 100:1

Durnya to be basa kikɛ, e baa kpaŋ Enyɛnpe Ebɔrɛ na!

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 150:5

Men baa ta echakachaka nɛ abɛlso be alaŋsɔ be yiri kikɛ a laŋ a kpaŋ Ebɔrɛ.

Nshɛ 81:1

Men boŋ nshɛ kagbenefuliso n sa Ebɔrɛ nɛ e bee sa anyi eleŋ na! Men boŋ nshɛ ŋ kpaŋ an nananyɛn Jeekɔb be Ebɔrɛ na!

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Nshɛ 87:7

nɛ bumo be bekama nɛ baaŋ baa boŋ nshɛ a cha na e baa kaŋɛ le: “Anyi alɛ gba la Jerusalɛm to be ndetobia gbagba nna.”

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Ɛksodɔs 15:20

Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Eemɔs 6:5

Kananɛ ewura Deevid ashi Jerusalɛm daa ta jaŋjilaŋ a laŋ a boŋ a wora nshɛ popɔr dra dra na, nɛ menyi alɛ gba bee sha kebaa wora.

Ashuŋ Shunso 14:23

Asɔri kama to, b daa lara benimu nna a sa kumo to be basa nseŋ daa ta kabɔrɛkule nɛ ekishi a ta basa na kikɛ a bɔɔ Enyɛnpe nɛ bumo be yirda daa wɔ so na enɔ.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Taites 1:5

N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.