1 Kronikɛls 15:15 - EBƆRƐ BE KAWƆL

¹⁵ Livaiebi na daa ta ndibi tentembi nna a wɔtɔ kumo to a maŋ so a deŋi bumo be abatimu so a sulɔ fanɛ kananɛ Enyɛnpe Ebɔrɛ baaŋ kaŋɛ Mosis na gbagba.

1 Kronikɛls 15:15 ပူးပေါင်းရင်းမြစ်များ

2 Samuɛl 6:12

Ewura Deevid ka nu fanɛ ŋkpal ŋkre be deka na ka wɔ Obɛd Edɔm be laŋ to so, nɛ mo nɛ mbe kanaŋ kikɛ nya nɛfa na nɛ e lara kumo laŋ na to n yɔ Jerusalɛm nɛ kagbenefuli.

2 Samuɛl 6:13

Basa nɛ b sulɔ deka na ka teŋi ateŋgreŋ ashe, nɛ e shin nɛ b yili; ndoŋ nna nɛ e lara gbolu nɛ kena fɔlbi duliduli ko n lara sarga n sa Ebɔrɛ.

1 Bewura 8:8

Ndibi na daa wɔ nteŋ nna ga nɛ esa beeŋ tiŋ n yili acheembiana to be kakpa cheembi na be kabuna to n wu amo ama mannɛ kakpa kikɛ nɛ esa beeŋ tiŋ n yili n wu amo. Loŋ be ndibi na kraa wɔ ndoŋ hale nɛ mbre.

1 Kronikɛls 13:10

Epul na to nɛ Enyɛnpe Ebɔrɛ nya agbo n wɔtɔ Uzza nseŋ mɔ mo ŋkpal e ka teŋi enɔ m beta deka na so. E daŋ tɔr Ebɔrɛ be anishito nna n wu.

2 Kronikɛls 5:9

Ndibi na daa wɔ nteŋ nna ga nɛ esa beeŋ tiŋ n yili acheembiana to be kakpa cheembi na be kabuna to n wu amo ama manɛ kakpa kikɛ nɛ esa beeŋ tiŋ n yili n wu amo. Loŋ be ndibi na yili ndoŋ n chɛr ga.

Ɛksodɔs 40:20

Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 7:9

Ama Mosis daa maŋ sa Kohafebi na bre asɔ na be kekama, ŋkpal manɛ so, abatimu so e daga fanɛ bumo ere e baa sulɔ asɔ cheembi nɛ baa keni so na.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.