1 Kronikɛls 14:2 - EBƆRƐ BE KAWƆL

² Nɛ Deevid pin fanɛ Enyɛnpe Ebɔrɛ na e yili kumo kashenteŋto fanɛ e ki Israɛl be ewura nseŋ kpal mbe basa Israɛlebi so a nɛfa mbe kuwurji.

1 Kronikɛls 14:2 ပူးပေါင်းရင်းမြစ်များ

2 Samuɛl 7:16

Fo alɛ Deevid be kenana maa ba nɛ k mur kikɛ. Fo kuwurji beeŋ baa wɔtɔ hale mbaanaayɔ.”

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

1 Kronikɛls 14:1

Tai be ewura Hiram daŋ shuŋi mbɔ ewura Deevid kutɔ nna. E daŋ shuŋi ekapɛnta nɛ basa nɛ baa ta ajembu a pɔr nna nseŋ ta ndibi nɛ baa tre sida na n ti so fanɛ b ya pɔr ewura be laŋ n sa Deevid.

1 Kronikɛls 14:3

Deevid ka lar Hibrɔn m ba Jerusalɛm na, e daŋ ta beche damta nna ŋ kurge mbinyɛnsobi nɛ mbichesobi damta.

1 Kronikɛls 17:17

Kede be kaman, fo kraŋ nase kɔnɔ n sa ma kaman to ebi. Enyɛnpe Ebɔrɛ, fee keni ma a bɔlɔ kenishi fanɛ esagboŋ ko nna.

2 Kronikɛls 2:10

Meeŋ sa fo beshumpo na ayu ebɔtɛ ŋgboŋ alfa anyɔ nɛ ayu peper be ebɔtɛ ŋgboŋ alfa anyɔ nɛ nsa edurɔm ŋgboŋ kalfa nɛ kudu nɛ ɔlif be ŋku be edurɔm ŋgboŋ kalfa nɛ kudu.”

2 Kronikɛls 2:11

Ndoŋ nna nɛ ewura Hiram sibɛ kawɔl n sa ewura Sɔlɔmɔn ŋ kaŋɛ mo le: “Enyɛnpe Ebɔrɛ be kasha nɛ e kɔ n sa mbe basa so nɛ e ta fo ŋ ki bumo be ewura.

Ɛsta 4:14

Nɛ fo baŋ maŋ wora shɛŋ le be jemanɛ ere, ashere, echɛtopo ko beeŋ shi kakpa ko m ba mɔlga anyi. Ama fo ere nɛ fo tuto be kanaŋ to ebi kikɛ beeŋ mur. Wanɛ e nyi fanɛ le bre so nɛ fo ki ewurche le be jemanɛ ere?”

Danɛl 2:30

Yiramu, mannɛ ŋ ka nyi asheŋ a chɔ ekama so so nɛ le be alemaŋkar be wulo ere di efuli n sa ma, ama loŋ wora nna saŋɛ na so feeŋ pin fo edare nɛ fo ku na be kifito nseŋ pin nfɛra nɛ k ba fo to na malɛ gba to.

Nɔmbɛs 24:7

Baaŋ nya mbɔrɛchu damta nseŋ duu bumo be adɔjibi kasawule nɛ k kɔ kayul nɛnɛ so. Bumo be ewura be kuwurji beeŋ baa chɔ Amalɛk be ewura Agag peya. Mbe kuwura beeŋ ji eleŋ ga nɛ mbe ketre e dii.

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.