1 Kronikɛls 14:10 - EBƆRƐ BE KAWƆL

¹⁰ Kumo be kaman nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Feeŋ chɛ ma to nɛ ŋ kɔ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Ŋkpal manɛ so, meeŋ shin nɛ fo kɔ m pɔɔ so kashenteŋto!”

1 Kronikɛls 14:10 ပူးပေါင်းရင်းမြစ်များ

2 Samuɛl 2:1

Ade kikɛ be kaman nɛ Deevid bishi Enyɛnpe Ebɔrɛ le: “K daga fanɛ n yɔ Juda be ndeana ere be kuko to a?” Nɛ Enyɛnpe Ebɔrɛ shuli so ŋ kaŋɛ: “Mm!” Nɛ Deevid naŋ bishi le: “Kade mo e daga ŋ ka yɔ?” Nɛ Enyɛnpe Ebɔrɛ kaŋɛ: “Yɔ Hibrɔn!”

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

2 Samuɛl 5:23

Nɛ Deevid naaŋ bishi Enyɛnpe Ebɔrɛ kusɔ nɛ e beeŋ wora, nɛ e kaŋɛ mo le: “Men sa maŋ kaŋ ta kena n tu bumo nfe, ama men bela ase n ya kuŋ bumo ndibi nɛ baa tre balsam na ase ŋ kɔ bumo ndoŋ.

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

1 Kronikɛls 13:3

Saŋɛ na so anyeeŋ ya ta Enyɛnpe Ebɔrɛ be ŋkre be deka nɛ an daŋ kplaŋ so saŋɛ so nɛ Sɔɔl daa la ewura na.”

1 Kronikɛls 14:11

Ndoŋ nna nɛ Deevid nɛ mbe benapo yɔ Baal Pɛrazim n ya kɔ m pɔɔ Filistiebi na so, nseŋ kaŋɛ le: “Enyɛnpe Ebɔrɛ bure n luri ma doŋana na to fanɛ kananɛ nchu bee bɔlɔ a luri kakpa na. Ndoŋ nna nɛ e nase kaboŋ na Baal Perazim. Kumo be kifito e la Enyɛnpe Ebɔrɛ nɛ e bee bure e luri to na.”

1 Kronikɛls 14:14

Nɛ Deevid naŋ bishi Enyɛnpe Ebɔrɛ kusɔ nɛ e beeŋ wora, nɛ Enyɛnpe Ebɔrɛ kaŋɛ mo le: “Men sa maŋ kaŋ ta kena n tu bumo nfe, ama men wora shiriya a kulti bumo a yɔ ndibi nɛ baa tre balsam ere ase n ya kɔ bumo ndoŋ.

1 Kronikɛls 14:9

Loŋ be jemanɛ na nɛ Filistiebi be benapo na ta kena n ya purgi Refaebi be ketaŋɛ to be ndeana nsaa muu bumo be asɔ.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

1 Samuɛl 30:8

Ndoŋ nna nɛ Deevid bishi Enyɛnpe Ebɔrɛ le: “N ju m buu basa nɛ baa kre kena a purgi basa ere so a? Meeŋ nya bumo m pɛ a?” Nɛ Enyɛnpe Ebɔrɛ yɛ: “Nɛ fo ju m buu bumo so, feeŋ ya pɛ bumo n sɔ fo basa.”