1 Kronikɛls 13:9 - EBƆRƐ BE KAWƆL

⁹ B ka fo kakpa nɛ Kidɔn bee bri mbe ayu na nɛ egbolufɛlso na fiti nɛ ŋkre be Deka na bee shin nɛ k tɔr nɛ Uzza teŋi enɔ nɛ e suse kumo to.

1 Kronikɛls 13:9 ပူးပေါင်းရင်းမြစ်များ

Jɛnesis 50:10

B daŋ ta loŋ m ba fo Atad nɛ k wɔ Jɔɔdan be epeŋipetekpa be kugooro nɛ b daa bri asɔ ndoŋ na m ba shu awɔrso ndoŋ ga nɛ Josɛf ta bɔkwe n wora keeliwora be edaŋkaresheŋ ndoŋ.

2 Samuɛl 6:6

B ka fo Naakɔn be kugooro nɛ e b bri ayu kumo so na, nɛ egbolu na fiti nɛ ŋkre be deka na bee shin nɛ k tɔr nɛ Uzza teŋi enɔ nɛ e suse kumo to.

Ɛksodɔs 19:22

Hale bɔrɛmatapoana nɛ baaŋ tiŋ n taga Ebɔrɛ to ashi kebee na ase na gba daga fanɛ b lar bumo be alubi to a du cheembi. Nɛ mannɛ aloŋ, ma, Enyɛnpe Ebɔrɛ na beeŋ gberge bumo kusoe.”

Ɛksodɔs 19:24

Nɛ Enyɛnpe Ebɔrɛ kaŋɛ Mosis: “Gbelge n yɔ kaseto nɛ fo nɛ Ɛɛrɔn kikɛ e ya bɛta m ba. Ama bɔrɛmatapoana na nɛ basa na bre be ekama e sa maŋ kaŋ temba egbaŋ na ashi kebeegboŋ na be kaseto n dii m ba ma kutɔ. Nɛ b wora loŋ, meeŋ gberge bumo kusoe.”